«Мемлекеттік көрсетілетін қызметтердің регламенттерін бекіту туралы» Ақмола облысы әкімдігінің 2014 жылғы 10 сәуірдегі № А-4/130 қаулысына өзгерістер мен толықтырулар енгізу туралы» Ақмола облысы әкімдігінің 2015 жылғы 5 қаңтардағы № А-1/1 Қаулысы (күші жойылды)

«Мемлекеттік көрсетілетін қызметтердің регламенттерін бекіту туралы» Ақмола облысы әкімдігінің 2014 жылғы 10 сәуірдегі № А-4/130 қаулысына өзгерістер мен толықтырулар енгізу туралы
Ақмола облысы әкімдігінің 2015 жылғы 5 қаңтардағы № А-1/1 Қаулысы

Ақмола облысы әкімдігінің 2015 жылғы 19 қазандағы № А-10/471 Қаулысымен күші жойылды

 «Мемлекеттік көрсетілетін қызметтер туралы» Қазақстан Республикасының 2013 жылғы 15 сәуірдегі Заңына сәйкес, Ақмола облысының әкімдігі ҚАУЛЫ ЕТЕДІ:

1. «Мемлекеттік көрсетілетін қызметтердің регламенттерін бекіту туралы» Ақмола облысы әкімдігінің 2014 жылғы 10 сәуірдегі № А-4/130 (Нормативтік құқықтық актілерді мемлекеттік тіркеу тізілімінде № 4198 болып тіркелген, 2014 жылғы 3 шілдедегі «Арқа ажары» және «Акмолинская правда» газеттерінде жарияланған) қаулысына келесі өзгерістер мен толықтырулар енгізілсін:

жоғарыда көрсетілген қаулымен бекітілген «Шетелдік қызметкерге жұмысқа орналасуға және жұмыс берушілерге тиісті әкімшілік-аумақтық бірлік аумағында еңбек қызметін жүзеге асыру үшін шетелдік жұмыс күшін тартуға рұқсат беру, қайта ресімдеу және ұзарту» мемлекеттік көрсетілетін қызметтің регламентінде:

келесі мазмұндағы 11-тармақпен толықтырылсын:

 «11. Мемлекеттік қызметті көрсету процесінде көрсетілетін қызметті берушінің құрылымдық бөлімшелерінің (қызметшілерінің) өзара әрекет етудің, рәсімдері (әрекеттері) кезеңділігінің толық сипаттамасы және мемлекеттік қызмет көрсету процесінде ақпараттық жүйелерді қолдану тәртібінің сипаттамасы осы регламенттің 3, 4-қосымшаларына сәйкес мемлекеттік қызмет көрсетудің бизнес-процестерінің анықтамалығында көрсетіледі.»;

осы қаулының 1, 2-қосымшаларына сәйкес 3, 4-қосымшалармен толықтырылсын;

жоғарыда көрсетілген қаулымен бекітілген «Он сегіз жасқа дейінгі балаларға мемлекеттік жәрдемақы тағайындау» мемлекеттік көрсетілетін қызметтің регламентінде:

келесі мазмұндағы 17-тармақпен толықтырылсын: