Кыргыз Республикасынын Жогорку Сотунун 2016-жылдын 1-февралындагы № АД-150/15 МН токтому

Кыргыз Республикасынын Жогорку Сотунун 2016-жылдын 1-февралындагы токтому

Иш № АД-150/15 МН

Көзөмөл өндүрүш № 6-936/15 АД, № 6-73/16 АД

Кыргыз Республикасынын Жогорку сотунун административдик жана экономикалык иштер боюнча соттук коллегиясы курамында:

төрагалык кылуучу: Мухамеджанов А.Ж.,

судьялар: Акматов Б.Дж., Осмоналиев К.Т.,

катчы: Жаныбек уулу А.,

тараптардан: Нарын аймактык жерге жайгаштыруу жана кыймылсыз мүлккө укуктарды каттоо башкармалыгынын өкүлү - Токтомамыт уулу М. (ишеним кат 2016-жылдын 29-январынан), Нарын шаардык соттук аткаруучулар кызмат бөлүмүнүн улук соттук аткаруучусу М.Сейитказиев, Ж.Султановдун жактоочусу - О.Мадиновдун (табыштоо ордери № 194 2016-жылдын 13-январынан) катышуусунда,

ачык соттук отурумда Г.Омуракунованын Нарын областынын райондор аралык сотунун 2015-жылдын 28-сентябрындагы аныктамасына, Нарын областтык сотунун административдик жана экономикалык иштер боюнча соттук коллегиясынын 2015-жылдын 29-октябрындагы аныктамасына карата келтирилген көзөмөл тартибиндеги даттануусун карап,

Нарын областынын райондор аралык сотунун 2015-жылдын 28-сентябрындагы аныктамасы менен Омуракунова Гулмиранын өкүлү Омуралиев Айбектин өтүп кеткен мөөнөттү калыбына келтирип берүүнү сураган арызын канааттандыруудан баш тартылган. Омуракунова Гулмиранын өкүлү Омуралиев Айбектин Нарын аймактык жерге жайгаштыруу жана кыймылсыз мүлккө укуктарды каттоо башкармалыгынын 2014-жылдын 17-ноябрындагы Нарын шаары, Ленин көчөсү 103 «в» турак-жайын Султанов Жаныбектин наамына каттоосун, Нарын шаардык соттук аткаруучулар кызмат бөлүмүнүн 2014-жылдын 12-сентябрындагы актысын, 2014-жылдын 30-июнундагы токтомун, 2013-жылдын 12-апрелиндеги мүлккө камак салуу токтомун жараксыз деп таап берүүнү сураган арызы боюнча сот ишин жүргүзүү токтотулган

(төрагалык кылган: Чагалдакова М.Б.).

Нарын областтык сотунун административдик жана экономикалык иштер боюнча соттук коллегиясынын 2015-жылдын 29-октябрындагы аныктамасы менен Нарын областынын райондор аралык сотунун 2015-жылдын 28-сентябрындагы аныктамасы өзгөртүүсүз калтырылган. Омуракунова Гулмиранын ишенимдүү өкүлү Омуралиев Айбектин апелляциялык жеке даттануусу канааттандыруусуз калтырылган

(төрагалык кылуусу: Амиракулова З., судьялар: Байышов М., Орозалиев А.).

Кыргыз Республикасынын Жогорку сотунун судьясынын баяндамасын, тараптардын пикирлерин угуп, соттук коллегия

ТАПТЫ: