«Карантиндік режимді енгізе отырып, карантинді аймақты белгілеу туралы» Солтүстік Қазақстан облысы әкімдігінің 2020 жылғы 29 сәуірдегі № 100 Қаулысы (2023.18.08. берілген өзгерістермен)

Карантиндік режимді енгізе отырып, карантинді аймақты белгілеу туралы
Солтүстік Қазақстан облысы әкімдігінің 2020 жылғы 29 сәуірдегі № 100 Қаулысы

(2023.18.08. берілген өзгерістермен)

Солтүстік Қазақстан облысы әкімдігінің 2022.07.09. № 199 Қаулысымен тақырыбы жаңа редакцияда (бұр.ред.қара)

«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 27-бабы 2-тармағына, «Өсімдіктер карантині туралы» Қазақстан Республикасының 1999 жылғы 11 ақпандағы Заңының 9-1-бабы 3) тармақшасына сәйкес, «Карантиндік режимді енгізе отырып, карантинді аймақты белгілеу туралы» Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің Солтүстік Қазақстан облыстық аумақтық инспекциясы» мемлекеттік мекемесінің 2020 жылғы 18 қаңтардағы № 04/113 ұсынымы негізінде Солтүстік Қазақстан облысының әкімдігі ҚАУЛЫ ЕТЕДІ:

Солтүстік Қазақстан облысы әкімдігінің 2022.07.09. № 199 Қаулысымен 1-тармақ жаңа редакцияда (бұр.ред.қара)

1. Осы қаулының қосымшасына сәйкес шаруашылық жүргізуші субъектілердің аумақтарында карантиндік режимді енгізе отырып, жатаған у кекіре бойынша карантинді аймақ белгіленсін.

2. «Карантиндік режимді енгізе отырып, Айыртау, Ақжар, Аққайың, Жамбыл, Мағжан Жұмабаев, Ғабит Мүсірепов атындағы, Тайынша, Тимирязев, Уәлиханов, Шал ақын аудандарының аумағында карантинді аймақты белгілеу туралы» Солтүстік Қазақстан облысы әкімдігінің 2017 жылғы 5 қаңтардағы № 1 қаулысының (2017 жылғы 27 қаңтарда Қазақстан Республикасы Нормативтік құқықтық актілерінің эталондық бақылау банкінде жарияланды, Нормативтік құқықтық актілерді мемлекеттік тіркеу тізілімінде № 4032 болып тіркелді) күші жойылды деп танылсын.

3. «Солтүстік Қазақстан облысы әкімдігінің ауыл шаруашылығы басқармасы» коммуналдық мемлекеттік мекемесі мыналарды Қазақстан Республикасының заңнамасында белгіленген тәртіпте қамтамасыз етсін: