«Электрондық үкімет» веб-порталы арқылы арнаулы әлеуметтік қызметтер көрсету саласында мемлекеттік қызметтер көрсетудің пилоттық жобасын іске асыру туралы» Қазақстан Республикасы Еңбек және халықты әлеуметтік қорғау министрінің 2021 жылғы 11 ақпандағы № 38 және Қазақстан Республикасы Цифрлық даму, инновациялар және аэроғарыш өнеркәсібі министрінің 2021 жылғы 11 ақпандағы № 54/НҚ бірлескен бұйрығы

 «Электрондық үкімет» веб-порталы арқылы арнаулы әлеуметтік қызметтер көрсету саласында мемлекеттік қызметтер көрсетудің пилоттық жобасын іске асыру туралы
Қазақстан Республикасы Еңбек және халықты әлеуметтік қорғау министрінің 2021 жылғы 11 ақпандағы № 38 және Қазақстан Республикасы Цифрлық даму, инновациялар және аэроғарыш өнеркәсібі министрінің 2021 жылғы 11 ақпандағы № 54/НҚ бірлескен бұйрығы

«Мемлекеттік көрсетілетін қызметтер туралы» 2013 жылғы 15 сәуірдегі Қазақстан Республикасы Заңының 22-бабына сәйкес БҰЙЫРАМЫЗ:

1. «Үйде күтім көрсету жағдайында арнаулы әлеуметтік қызмет көрсетуге құжаттар ресімдеу», «Медициналық-әлеуметтік мекемелерде (ұйымдарда) арнаулы әлеуметтік қызмет көрсетуге құжаттар ресімдеу» мемлекеттік көрсетілетін қызметтерін «Электрондық үкімет» веб-порталы (бұдан әрі - мемлекеттік көрсетілетін қызметтер) арқылы көрсету жөніндегі пилоттық жоба іске қосылсын.

2. Қоса беріліп отырған «Электрондық үкімет» веб-порталы арқылы мемлекеттік қызметтер көрсетудің пилоттық жобасын іске асыру алгоритмі бекітілсін.

3. Қазақстан Республикасы Еңбек және халықты әлеуметтік қорғау министрлігінің Еңбек, әлеуметтік қорғау және көші-қон комитеті облыстардың жұмыспен қамтуды үйлестіру және әлеуметтік бағдарламалар басқармаларының, Нұр-Сұлтан және Шымкент қалаларының жұмыспен қамту және әлеуметтік қорғау басқармаларының, Алматы қаласының әлеуметтік әл-ауқат басқармасының, қалалық, аудандық жұмыспен қамту және әлеуметтік бағдарламалар бөлімдерінің жұмысын үйлестіруді қамтамасыз етсін.