(БҰРЫНҒЫ РЕДАКЦИЯ) (КҮШІ ЖОЙЫЛДЫ) ҚР ҮКІМЕТІНІҢ 1999 Ж. 19 ҚАРАШАДАҒ...

«Қазақстан Республикасы Білім және ғылым министрлігінің мәселелері»
Қазақстан Республикасы Үкіметінің 1999 ж. 19 қарашадағы № 1754 Қаулысы

(2004.28.10. берілген өзгерістер мен толықтырулармен)

Осы редакция 2015 жылғы 27 сәуірде енгізілген өзгерістеріне дейін қолданылды

5-тармақты қоспағанда, ҚР Үкіметінің 2004 жылғы 28 қазандағы № 1111 қаулысымен күші жойылды

Қазақстан Республикасы Президентінің "Қазақстан Республикасы мемлекеттік органдарының құрылымын жетiлдiру және олардың құзыретiн нақтылау жөніндегі шаралар туралы" 1999 жылғы 13 қазандағы № 235 Жарлығына сәйкес Қазақстан Республикасының Үкіметі қаулы етеді:

1. Қоса берiлiп отырған:

1) Қазақстан Республикасының Білім және ғылым министрлігі туралы ереже;

2) Қазақстан Республикасының Білім және ғылым министрлігі қарауындағы ұйымдардың тiзбесi бекітілсiн.

2. Қазақстан Республикасының Білім және ғылым министрлігіне үш, оның iшiнде бір бірiншi вице-министрi болуына рұқсат етiлсiн.

3. Қазақстан Республикасы Денсаулық сақтау, білім және спорт министрлігінiң Орта және кәсiптiк білім комитетi (бұдан әрi - Комитет) таратылсын.

4. Комитет таратылғаннан кейiнгi оның мүлкiн басқару жөніндегі өкілеттiк Қазақстан Республикасының Білім және ғылым министрлігіне берiледi деп айқындалсын.

ҚР Үкіметінің 29.11.03 ж. № 1214 қаулысымен 5-тармақ өзгертілді

5. Мемлекеттік органдар болып табылмайтын, Қазақстан Республикасы Білім және ғылым министрлігінiң қарауында болатын мынадай мемлекеттік мекемелер (бұдан әрi - Мекемелер) құрылсын:

1) Сейсмологиялық тәжiрибе-әдiстемелiк экспедициясы;

2) Кеңес Одағының Батыры Сабыр Рахимов атындағы Шымкент республикалық әскери мектеп-интернаты;

3) Қарағанды республикалық әскери мектеп-интернаты;

4) Б.Момышұлы атындағы Алматы республикалық әскери мектеп-интернаты;

5) А.Жұбанов атындағы республикалық қазақ орта музыкалық мектеп-интернаты;

6) Республикалық қазақ тілі мен әдебиетiн тереңдетiп оқытатын мектеп-интернаты;

7) О.Жәутiков атындағы республикалық физика-математикалық мектеп-интернаты;

8) Республикалық ғылыми-педагогикалық кiтапханасы;