«Бурабай ауданында стационарлық емес сауда объектілерін орналастыру орындарын айқындау және бекіту туралы» Ақмола облысы Бурабай ауданы әкімдігінің 2022 жылғы 4 сәуірдегі № а-3/118 Қаулысы (2024.26.11. берілген өзгерістермен)

Бурабай ауданында стационарлық емес сауда объектілерін орналастыру орындарын айқындау және бекіту туралы
Ақмола облысы Бурабай ауданы әкімдігінің 2022 жылғы 4 сәуірдегі № а-3/118 Қаулысы

(2024.26.11. берілген өзгерістермен)

Ақмола облысы Бурабай ауданы әкімдігінің 2024.11.11. № а-11/450 Қаулысымен кіріспе жаңа редакцияда (2024 ж. 26 қарашадан бастап қолданысқа енгізілді) (бұр.ред.қара)

«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 31-бабының 1-тармағының 4-2) тармақшасына, Қазақстан Республикасы Ұлттық экономика министрінің міндетін атқарушының 2015 жылғы 27 наурыздағы № 264 «Ішкі сауда қағидаларын бекіту туралы» бұйрығына (Нормативтік құқықтық актілерді мемлекеттік тіркеу тізілімінде № 11148 болып тіркелген) сәйкес, Бурабай ауданының әкімдігі ҚАУЛЫ ЕТЕДІ:

1. Осы қаулының қосымшасына сәйкес Бурабай ауданында стационарлық емес сауда объектілерін орналастыру орындары айқындалсын және бекітілсін.

2. Осы қаулының орындалуын бақылау Бурабай ауданы әкімінің жетекшілік ететін орынбасарына жүктелсін.

3. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Ақмола облысы

Бурабай ауданы әкімдігінің

2022 жылғы 4 сәуірдегі

№ а-3/118 қаулысына

қосымша

Бурабай ауданында стационарлық емес сауда объектілерін орналастыру орындары