Мемлекеттік қызметшілердің әдебі

29.04.2025

Мемлекеттік қызметшілердің әдебі

Мемлекеттік қызметші — мемлекеттің айнасы. Оның кәсіби біліктілігімен қатар, жеке әдебі де халықтың мемлекеттік билікке деген сеніміне тікелей әсер етеді. Сондықтан мемлекеттік қызметшінің әдебі — қоғам алдындағы үлкен жауапкершілік.

Мемлекеттік қызметшінің әдебі дегеніміз — қызмет барысында және одан тыс уақытта заңға, моральға, қоғамның құндылықтарына сай әрекет етуі. Ол әрқашан сыпайы, әділ, жауапты, парасатты болуы тиіс. Қызметкер азаматтармен қарым-қатынаста құрмет пен сабырлық танытып, өз ісіне адал болғанда ғана мемлекеттік қызметтің беделі артады.

Қазіргі таңда елімізде Әдеп кодексі қабылданып, мемлекеттік қызметшілердің мінез-құлық стандарттары нақты көрсетілген. Бұл құжат мемлекеттік қызметтің ашықтығы мен әділеттілігін қамтамасыз етуді мақсат етеді.

Қорыта айтқанда, мемлекеттік қызметшінің әдебі — тек жеке қасиет емес, мемлекеттің абыройын қалыптастыратын маңызды фактор. Әдептілік пен жауапкершілікке негізделген қызмет қана халық сенімін нығайтады.

Қарағанды облысының мамандандырылған

ауданаралық экономикалық сотының

бас маман- сот отырысының хатшысы

А.А. Есенбаева