«Оңтүстік Қазақстан облысы әкімдігінің 2015 жылғы 29 шілдедегі № 232 «Әлеуметтік-еңбек саласындағы мемлекеттік көрсетілетін қызметтер регламенттерін бекіту туралы» қаулысына өзгерістер мен толықтырулар енгізу туралы» Оңтүстiк Қазақстан облысы әкiмдiгiнiң 2017 жылғы 15 желтоқсандағы № 359 Қаулысы (күші жойылды)

Оңтүстік Қазақстан облысы әкімдігінің 2015 жылғы 29 шілдедегі № 232 «Әлеуметтік-еңбек саласындағы мемлекеттік көрсетілетін қызметтер регламенттерін бекіту туралы» қаулысына өзгерістер мен толықтырулар енгізу туралы
Оңтүстiк Қазақстан облысы әкiмдiгiнiң 2017 жылғы 15 желтоқсандағы № 359 Қаулысы

Түркістан облысы әкiмдiгiнiң 2020 жылғы 30 маусымдағы № 142 Қаулысымен күші жойылды

«Мемлекеттік көрсетілетін қызметтер туралы» 2013 жылғы 15 сәуірдегі Қазақстан Республикасы Заңының 16-бабына, «Әлеуметтік-еңбек саласындағы мемлекеттік көрсетілетін қызмет стандарттарын бекіту туралы» Қазақстан Республикасы Денсаулық сақтау және әлеуметтік даму министрінің 2015 жылғы 28 сәуірдегі №  279 бұйрығына өзгерістер мен толықтырулар енгізу туралы» Қазақстан Республикасы Еңбек және халықты әлеуметтік қорғау министрінің 2017 жылғы 4 шілдедегі № 190 бұйрығына сәйкес Оңтүстік Қазақстан облысының әкімдігі ҚАУЛЫ ЕТЕДІ:

1. Оңтүстік Қазақстан облысы әкімдігінің 2015 жылғы 29 шілдедегі № 232 «Әлеуметтік-еңбек саласындағы мемлекеттік көрсетілетін қызметтер регламенттерін бекіту туралы» (Нормативтік құқықтық актілерді мемлекеттік тіркеудің тізілімінде № 3328 болып тіркелген, 2015 жылдың 11 қыркүйегінде «Оңтүстік Қазақстан» газетінде жарияланған) қаулысына мынадай өзгерістер мен толықтырулар енгізілсін:

1 тармақта:

1) және 3) тармақшалар алынып тасталынсын;

14) тармақ мынадай редакцияда жазылсын:

«14) осы қаулыға 14-қосымшаға сәйкес «Адамдарға жұмыспен қамтуға жәрдемдесудің белсенді шараларына қатысуға жолдамалар беру» мемлекеттік көрсетілетін қызметінің регламенті;»;

мынадай мазмұндағы 19), 20) тармақшалармен толықтырылсын:

«19) осы қаулыға 19-қосымшаға сәйкес «Жұмыс іздеп жүрген адамдарды тіркеу» мемлекеттік көрсетілетін қызметінің регламенті;

20) осы қаулыға 20-қосымшаға сәйкес «Жұмыссыз ретінде жұмыс іздеп жүрген адамдарды тіркеу» мемлекеттік көрсетілетін қызметінің регламенті.»;

көрсетілген қаулының 14-қосымшасы осы қаулыға 1-қосымшаға сәйкес жаңа редакцияда жазылсын;