«Қалалардың кешенді құрылыс салу стандарты» Қазақстан Республикасының әдістемелік құжатын бекіту туралы» Қазақстан Республикасы Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылык істері комитеті төрағасының 2022 жылғы 30 маусымдағы № 134 бұйрығы

«Қалалардың кешенді құрылыс салу стандарты» Қазақстан Республикасының әдістемелік құжатын бекіту туралы
Қазақстан Республикасы Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылык істері комитеті төрағасының 2022 жылғы 30 маусымдағы № 134 бұйрығы

Қазақстан Республикасы Индустрия және инфрақұрылымдық даму министрінің 2019 жылғы 30 қаңтардағы № 55 бұйрығымен бекітілген Қазақстан Республикасы Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитеті туралы ереженің 14-тармағының 46) тармақшасына сәйкес БҰЙЫРАМЫН:

1. Қоса беріліп отырған мыналар бекітілсін:

Қалалардың кешенді құрылыс салу стандартын бейімдеу регламенті;

қолдану үшін, ұсыным сипатындағы «Қалалардың кешенді құрылыс салу стандарты» Қазақстан Республикасының әдістемелік құжаты:

1-бөлім. Қала аумақтарын кешенді дамыту қағидаттарының жиынтығы;

2-бөлім. Құрылыс салынған аумақтарды дамыту стандарты;

3-бөлім. Бос жерлерді игеру шешімдері;

4-бөлім. Қала келбетін қалыптастыру стандарты;

5-бөлім. Жобаларды әзірлеу бойынша нұсқау;

6-бөлім. Жобаларды жүзеге асыру бойынша нұсқау;

1-каталог. Ашық кеңістіктердің элементтері мен түйіндері;

2-каталог. Іргелі сәулет-жоспарлау шешімдері. Тұрғын үйлер;

3-каталог. Қағидаттық сәулет-жоспарлау шешімдері. Абаттандыру;

4-каталог. Іргелі сәулет-жоспарлау шешімдері. Кварталдарды салу.

2. Қазақстан Республикасы Индустрия және инфрақұрылымдық даму министрлігі Құрылыс және тұргын үй-коммуналдық шаруашылық істері комитетінің Сәулет, қала құрылысы және қала құрылысы кадастры басқармасы заңнамада белгіленген тәртіппен:

1) осы бұйрықты Қазақстан Республикасы Индустрия жэне инфрақұрылымдық даму министрлігі Құрылыс жэне тұргын үй-коммуналдық шаруашылық істері комитетінің ресми интернет-ресурсында орналастыруды;

2) осы бұйрықтың салалық бұқаралық ақпарат құралдарында жариялануын қамтамасыз етсін.