«Қазақстан Республикасы Денсаулық сақтау министрлігінің Стратегиялық комитетін құру туралы» Қазақстан Республикасы Денсаулық сақтау министрінің 2017 жылғы 14 наурыздағы № 67 бұйрығы (2019.11.03. берілген өзгерістер мен толықтырулармен) (күші жойылды)

Қазақстан Республикасы Денсаулық сақтау министрлігінің Стратегиялық комитетін құру туралы

Қазақстан Республикасы Денсаулық сақтау министрінің 2017 жылғы 14 наурыздағы № 67 бұйрығы

(2019.11.03. берілген өзгерістер мен толықтырулармен)

ҚР Денсаулық сақтау министрінің 2021 жылғы 19 тамыздағы № 495 бұйрығымен күші жойылды

Қазақстан Республикасы Денсаулық сақтау министрлігінің (бұдан әрі - Министрлік) ведомстволары мен құрылымдық бөлімшелерінің әзірленетін жобалардың сапасына жауапкершілігін арттыру, стратегиялық құжаттарды, нормативтік құқықтық актілерді әзірлеу бойынша қызметті жетілдіру мақсатында БҰЙЫРАМЫН:

1. Осы бұйрыққа 1-қосымшаға сәйкес құрамда Министрліктің стратегиялық құжаттарын, нормативтік құқықтық актілерін әзірлеу қызметін реттеу бойынша тұрақты қызмет атқаратын консультативтік-кеңесші орган - Министрліктің Стратегиялық комитеті құрылсын.

2. Осы бұйрыққа 2-қосымшаға сәйкес Министрліктің Стратегиялық комитеті туралы ереже бекітілсін.

3. Стратегиялық даму және қоғамдық денсаулық сақтау департаментінің басшысы 2017 жылдың бірінші жартыжылдығына арналған Стратегиялық комитеттің Жұмыс жоспарының әзірленіп бекітілуін қамтамасыз етсін.

4. Осы бұйрықтың орындалуын бақылауды өзіме қалдырамын.

5. Осы бұйрық қол қойылған күнінен бастап күшіне енеді.

ҚР Денсаулық сақтау министрінің м.а. 2018.14.06. № 363 бұйрығымен 1-қосымша жаңа редакцияда (бұр.ред.қара); ҚР Денсаулық сақтау министрінің 2019.11.03. № 92 бұйрығымен 1-қосымша өзгертілді (бұр.ред.қара)

Қазақстан Республикасы

Денсаулық сақтау министрінің

2017 жылғы 14 наурыздағы

№ 67 бұйрығына

1-қосымша

Қазақстан Республикасы Денсаулық сақтау министрлігі Стратегиялық комитетінің

құрамы

Қазақстан Республикасының Денсаулық сақтау министрі, төраға;

Қазақстан Республикасы Денсаулық сақтау министрлігінің жауапты хатшысы;

Қазақстан Республикасының Денсаулық сақтау вице-министрі;