«Приозерск қаласы әкімінің аппараты және жергілікті атқарушы органдарының мемлекеттік қызметшілеріне көтермелеулерді қолдану қағидасын бекіту туралы» Қарағанды облысы Приозерск қаласының әкімдігінің 2021 жылғы 16 наурыздағы № 10/30 Қаулысы

Приозерск қаласы әкімінің аппараты және жергілікті атқарушы органдарының мемлекеттік қызметшілеріне көтермелеулерді қолдану қағидасын бекіту туралы
Қарағанды облысы Приозерск қаласының әкімдігінің 2021 жылғы 16 наурыздағы № 10/30 Қаулысы

Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы, «Құқықтық актілер туралы» 2016 жылғы 6 сәуірдегі, «Қазақстан Республикасының мемлекеттік қызметі туралы» 2015 жылғы 23 қарашадағы Заңдарына сәйкес, Приозерск қаласының әкімдігі ҚАУЛЫ ЕТЕДІ:

1. Қоса беріліп отырған Приозерск қаласы әкімінің аппараты және жергілікті атқарушы органдарының мемлекеттік қызметшілеріне көтермелеулерді қолдану қағидасы бекітілсін.

2. «Приозерск қаласы әкімінің аппараты» мемлекеттік мекемесі және Приозерск қаласының жергілікті атқарушы органдары осы қаулыдан туындайтын қажетті шараларды қабылдасын.

3. Осы қаулының орындалуын бақылау Приозерск қаласы әкімі аппаратының басшысына жүктелсін.

4. Осы қаулы алғашқы ресми жарияланған күнінен бастап қолданысқа енгізіледі.

Қарағанды облысы

Приозерск қаласы әкімдігінің

2021 жылғы 16 наурыздағы

№ 10/30 қаулысымен бекітілген

Приозерск қаласы әкімінің аппараты және жергілікті атқарушы органдарының мемлекеттік қызметшілеріне көтермелеулерді қолдану

қағидасы

1. Приозерск қаласы әкімінің аппараты (бұдан әрі - Аппарат) және жергілікті атқарушы органдарының (бұдан әрі - ЖАО) мемлекеттік қызметшілеріне көтермелеулерді қолдану қағидасы Қазақстан Республикасының «Қазақстан Республикасының мемлекеттік қызметі туралы» Заңының 35-бабына сәйкес әзірленді және Аппарат пен ЖАО-ның мемлекеттік қызметшілеріне көтермелеулерді қолдану тәртібін айқындайды.

2. Аппарат пен ЖАО-ның мемлекеттік қызметшілеріне келесі көтермелеулер қолданылады:

1) біржолғы ақшалай сыйақы;

2) алғыс жариялау;

3) Құрмет грамотасымен марапаттау;

4) көтермелеудің өзге де нысандары, оның ішінде ведомстволық наградалармен марапаттау.