Кыргыз Республикасынын Жогорку Сотунун 2016-жылдын 19-апрелиндеги № АД-289/15-мбс5 токтому

Кыргыз Республикасынын Жогорку Сотунун 2016-жылдын 19-апрелиндеги токтому

Иш № АД-289/15-мбс5

К/ө № 6-335/16 АД

Кыргыз Республикасынын Жогорку сотунун административдик жана экономикалык иштер боюнча соттук коллегиясы курамында:

төрагалык кылган: Аманалиева Б.К.,

судьялар: Боронбаева Д.С., Акматов Б.Дж.,

сот отурумунун катчысы: Жаныбек уулу Адил,

тараптар: В.Ж.Майгулакованын, анын өкүлү - Э.Д.Асыранкулованын, Кыргыз Республикасынын Башкы прокуратурасынын өкүлү - Т.Мурзакуловдун, катышуусунда,

соттун ачык отурумунда В.Майгулакованын Бишкек шаардык сотунун административдик жана экономикалык иштер боюнча соттук коллегиясынын 2015-жылдын 22-декабрындагы чечимине карата келтирген көзөмөл иретиндеги даттануусун карап, ал чечим менен Бишкек шаарынын райондор аралык сотунун 2015-жылдын 22-апрелиндеги чечими толугу менен жокко чыгарылган, иш боюнча жаңы чечим кабыл алынган. В.Майгулакованын Бишкек шаарынын мэриясынын Биринчи май райондук администрациясынын 2005-жылдын 28-сентябрындагы № 242 токтомунун «Ак-Босого» конушундагы № 1826 жер участогун С.Шаршакеевге бекитип берүү жөнүндөгү бөлүгүн жараксыз деп табуу арызын канааттандыруудан баш тартылган. В.Ж.Майгулаковадан мамлекет пайдасына 1500 сом өлчөмүндө мамлекеттик төлөм өндүрүлгөн

(төрагалык кылган: Толубаева Б., судья Мулюкбаева Д., баяндамачы-судья Алыбаев А.А.),

ТАПТЫ:

Майгулакова В.Ж. сотко Бишкек шаарынын мэриясынын Биринчи май райондук администрациясынын 2005-жылдын 28-сентябрындагы № 242 токтомунун «Ак-Босого» конушундагы № 1826 жер участогун С.Шаршакеевге бекитип берүү жөнүндөгү бөлүгүн жараксыз деп таап берүү жөнүндөгү арыз менен кайрылган.