«Вивитрол®, бұлшықет ішіне енгізу үшін әсер етуі ұзартылған суспензия дайындауға арналған ұнтақ, еріткішпен жиынтықта» дәрілік затының тіркеу куәлігін кері қайтарып және айналыстан алу туралы» Қазақстан Республикасы Денсаулық сақтау министрлігі Медициналық және фармацевтикалық бақылау комитеті төрағасының 2023 жылғы 9 тамыздағы № 301-НҚ бұйрығы

«Вивитрол®, бұлшықет ішіне енгізу үшін әсер етуі ұзартылған суспензия дайындауға арналған ұнтақ, еріткішпен жиынтықта» дәрілік затының тіркеу куәлігін кері қайтарып және айналыстан алу туралы
Қазақстан Республикасы Денсаулық сақтау министрлігі Медициналық және фармацевтикалық бақылау комитеті төрағасының 2023 жылғы 9 тамыздағы № 301-НҚ бұйрығы

«Халық денсаулығы және денсаулық сақтау жүйесі туралы» Қазақстан Республикасы Кодексінің 259-бабы 1-тармағының 7) тармақшасына және Қазақстан Республикасы Денсаулық сақтау министрінің м.а. 2020 жылғы 24 желтоқсандағы № ҚР ДСМ-322/2020 бұйрығымен бекітілген Дәрілік заттар мен медициналық бұйымдарды қолдануды тоқтата тұру, тыйым салу немесе айналымнан алып қою не қолдануды шектеу қағидаларына (Нормативтік құқықтық актілерді мемлекеттік тіркеу тізілімінде № 21906 болып тіркелген) сәйкес, БҰЙЫРАМЫН:

1. «Алкермес Инк.» АҚШ өндірушісі, «Вивитрол®, бұлшықет ішіне енгізу үшін әсер етуі ұзартылған суспензия дайындауға арналған ұнтақ, еріткішпен жиынтықта» дәрілік затының тіркеу куәлігі ҚР-ДЗ-5№014801 кері қайтарылсын және айналыстан алынсын.

2. Қазақстан Республикасы Денсаулық сақтау министрлігінің Медициналық және фармацевтикалық бақылау комитетінің (бұдан әрі - Комитет) Фармацевтикалық қызметті бақылау саласындағы мемлекеттік көрсетілетін қызметтер басқармасы осы шешім қабылданған күннен бастап күнтізбелік бір күннің ішінде жазбаша (еркін) нысанда Комитетінің аумақтық бөлімшелеріне, дәрілік заттардың тіркеу куәлігінің иесіне және дәрілік заттар мен медициналық бұйымдар айналысы саласындағы мемлекеттік сараптама ұйымына (бұдан әрі - сараптама ұйымы) хабарласын.