«Жергілікті маңызы бар тарих және мәдениет ескерткіштеріне ғылыми-реставрациялау жұмыстарын жүргізуге келісім беру» мемлекеттiк көрсетілетін қызмет регламентi (Солтүстік Қазақстан облысы әкімдігінің 2015 жылғы 7 тамыздағы № 293 қаулысымен бекітілген) (күші жойылды)

Солтүстік Қазақстан облысы әкімдігінің 2017 жылғы 6 желтоқсандағы № 486 Қаулысымен күші жойылды

Солтүстік Қазақстан облысы әкімдігінің

2015 жылғы 7 тамыздағы

№ 293 қаулысымен бекітілген

 «Жергілікті маңызы бар тарих және мәдениет ескерткіштеріне ғылыми-реставрациялау жұмыстарын жүргізуге келісім беру»

 мемлекеттік көрсетілетін қызмет регламенті

1. Жалпы ережелер

1. «Жергілікті маңызы бар тарих және мәдениет ескерткіштерінде ғылыми-реставрациялау жұмыстарын жүргізуге келісім беру» мемлекеттік көрсетілетін қызметін (бұдан әрі - мемлекеттік қызмет көрсету) осы регламентке 1-қосымшаға сәйкес мәдениет саласындағы функцияларды жүзеге асыратын Солтүстік Қазақстан облысының жергілікті атқарушы органы (бұдан әрі - көрсетілетін қызметті беруші) көрсетеді.

Мемлекеттiк көрсетілетін қызмет регламентi «Мәдениет саласындағы мемлекеттік көрсетілетін қызмет стандарттарын бекіту туралы» Қазақстан Республикасы Мәдениет және спорт министрінің 2015 жылғы 22 сәуірдегі № 146 бұйрығымен бекітілген «Жергілікті маңызы бар тарих және мәдениет ескерткіштеріне ғылыми-реставрациялау жұмыстарын жүргізуге келісім беру» мемлекеттiк көрсетілетін қызмет стандарты негізінде әзірленген.

Өтініш қабылдау және мемлекеттiк қызмет көрсетудiң нәтижесiн беру:

1) көрсетiлетiн қызметтi берушiнің кеңсесі;

2) www.egov.kz  «электрондық үкiмет», www.elicense.kz веб-порталдары (бұдан әрі - портал) арқылы жүзеге асырылады.

2. Мемлекеттiк көрсетілетін қызмет жеке және заңды тұлғаларға (бұдан әрі - көрсетілетін қызметті алушы) тегiн көрсетiледi.

3. Мемлекеттік қызмет көрсету нысаны: электронды (ішінара автоматтандырылған) және (немесе) қағаз.

4. Мемлекеттiк қызмет көрсетудiң нәтижесi - жергiлiктi маңызы бар тарих және мәдениет ескерткiштерiнде ғылыми-реставрациялау жұмыстарын жүргiзуге келiсiм хатын беру.

Ұсынылған құжаттардың толық еместігі анықталған жағдайда, көрсетілетін қызметті беруші 2 (екі) жұмыс күні ішінде өтінішті одан әрі қараудан жазбаша уәжді түрде бас тартады.

Мемлекеттiк қызмет көрсетудiң нәтижесiн беру нысаны: электронды және (немесе) қағаз.