«Жас мамандарды және философия докторларын (PhD) жұмысқа бөлу жөніндегі комиссия құру туралы» Қазақстан Республикасы Денсаулық сақтау министрінің 2020 жылғы 30 қыркүйектегі № 628 бұйрығы

Жас мамандарды және философия докторларын (PhD) жұмысқа бөлу жөніндегі комиссия құру туралы
Қазақстан Республикасы Денсаулық сақтау министрінің 2020 жылғы 30 қыркүйектегі № 628 бұйрығы

Қазақстан Республикасы Үкіметінің 2012 жылғы 30 наурыздағы № 390 Қаулысымен бекітілген Маманды жұмысқа жіберу, өз бетімен жұмысқа орналасу құқығын беру, мемлекеттік білім беру тапсырысы негізінде білім алған азаматтарды жұмысын өтеу жөніндегі міндетінен босату қағидаларының (бұдан әрі - Қағидалар) 7, 8, 14 тармақтарына, Қазақстан Республикасы Денсаулық сақтау министрінің 2019 жылғы 14 мамырдағы № ҚР ДСМ-77 бұйрығымен бекітілген Жас мамандарды және философия докторларын (PhD) жұмысқа бөлу жөніндегі комиссиялар туралы ереженің (бұдан әрі - Ереже) 3, 7, 9-тармақтарына сәйкес, БҰЙЫРАМЫН:

1. Осы бұйрық қосымшаға сәйкес құрамда жас мамандарды және философия докторларын (PhD) жұмысқа бөлу жөніндегі комиссия құрылсын.

2. Комиссия осы Қағидалар мен Ережеден туындайтын шараларды қабылдасын.

3. Мыналардың:

1) «Жас мамандарды және философия докторларын (PhD) жұмысқа бөлу жөніндегі комиссия құру туралы» Қазақстан Республикасы Денсаулық сақтау министрінің 2020 жылғы 7 сәуірдегі № 215 бұйрығы;

2) «Жас мамандарды және философия докторларын (PhD) жұмысқа бөлу жөніндегі комиссия құру туралы» Қазақстан Республикасы Денсаулық сақтау министрінің 2020 жылғы 7 сәуірдегі № 215 бұйрығына өзгерістер енгізу туралы» Қазақстан Республикасы Денсаулық сақтау министрінің 2020 жылғы 12 маусымдағы № 374 бұйрығының күші жойылсын.

4. Осы бұйрықтың орындалуын бақылауды өзіме қалдырамын.

5. Осы бұйрық қол қойылған күнінен бастап күшіне енеді.

Қазақстан Республикасы

Денсаулық сақтау министрінің

2020 жылғы 30 қыркүйектегі

№ 628 бұйрығына қосымша

Жас мамандарды және философия докторларын (PhD) жұмысқа бөлу
жөніндегі комиссия құрамы