«Қазақстан Республикасы Бас Прокурорының 30 наурыз 2015 жылғы № 50 бұйрығымен бекітілген «Қылмыстық процестің сотқа дейінгі сатысының заңдылығын қадағалауды ұйымдастыру жөніндегі» Нұсқаулығына өзгерістер мен толықтырулар енгізу туралы» Қазақстан Республикасы Бас Прокурорының 2015 жылғы 30 қыркүйектегі № 118 бұйрығы (күші жойылды)

Қазақстан Республикасы Бас Прокурорының 30 наурыз 2015 жылғы № 50 бұйрығымен бекітілген «Қылмыстық процестің сотқа дейінгі сатысының заңдылығын қадағалауды ұйымдастыру жөніндегі» Нұсқаулығына өзгерістер мен толықтырулар енгізу туралы
Қазақстан Республикасы Бас Прокурорының 2015 жылғы 30 қыркүйектегі № 118 бұйрығы

Қылмыстық процестің сотқа дейінгі сатысының заңдылығын қадағалауды одан әрі жетілдіру мақсатында, 21 желтоқсан 1995 жылғы Қазақстан Республикасы «Прокуратура туралы» Заңының 11-бабының 4-тармағын басшылыққа алып, БҰЙЫРАМЫН:

1. Қазақстан Республикасы Бас Прокурорының 30 наурыз 2015 жылғы № 50 «Қылмыстық процестің сотқа дейінгі сатысының заңдылығын қадағалауды ұйымдастыру жөніндегі Нұсқаулықты бекіту туралы» бұйрығына келесі өзгерістер мен толықтырулар енгізілсін:

Қылмыстық процестің сотқа дейінгі сатысының заңдылығын қадағалауды ұйымдастыру туралы Нұсқаулықтың 4-тарауын 4.6-тармақшасымен толықтырып, келесі мәтінде жазылсын:

«4.6. Жасырын тергеу әрекеттерін жүргізу заңдылығын қадағалау

126-1. Жасырын тергеу әрекеттерінің (бұдан әрі - ЖТӘ) заңдылығын қадағалауды жүзеге асыру кезінде азаматтардың жеке өмірге, жеке және отбасылық құпияға қол сұғылмаушылық, ар-намысы мен абыройын қорғау, жеке салымдар мен жинақтар, хат алмасу, телефон әңгімелері, пошта, телеграф және өзге де хабарламалар құпиясы, тұрғын үйге қол сұғылмаушылық құқығын қорғауға ерекше көңіл бөлінеді.

126-2. ҚПК-тің 234-бабының 1-бөлігіне сәйкес, ҚПК-тің 231-бабының 1) - 6) - тармақтарында көзделген ЖТӘ-ін жүргізуге санкцияны сотқа дейінгі тергеу жүргізуші органның қаулысы негізінде Бас Прокурор және оның орынбасарлары, облыс прокурорлары береді.

126-3. ЖТӘ-нің заңдылығына қадағалауды: