«Қазақстан Республикасы Мәдениет және ақпарат министрлігінің 2023-2027 жылдарға арналған даму жоспарының нысаналы индикаторларын есептеу әдістемесін бекіту туралы» Қазақстан Республикасы Мәдениет және ақпарат министрінің міндетін атқарушының 2024 жылғы 24 желтоқсандағы № 608-НҚ бұйрығы (күші жойылды)

Қазақстан Республикасы Мәдениет және ақпарат министрлігінің 2023-2027 жылдарға арналған даму жоспарының нысаналы индикаторларын есептеу әдістемесін бекіту туралы

Қазақстан Республикасы Мәдениет және ақпарат министрінің міндетін атқарушының 2024 жылғы 24 желтоқсандағы № 608-НҚ бұйрығы

ҚР Мәдениет және ақпарат министрінің 2025 жылғы 9 маусымдағы № 266-НҚ бұйрығымен күші жойылды

«Мемлекеттік статистика туралы» Қазақстан Республикасы Заңының 16-бабы 3-тармағының 2-1) тармақшасына және Қазақстан Республикасы Ұлттық экономика министрінің 2021 жылғы 25 қазандағы № 93 бұйрығымен бекітілген Қазақстан Республикасының Ұлттық даму жоспарын, мемлекеттік органдарың даму жоспарларын, облыстардың, республикалық маңызы бар қалалардың, астананың даму жоспарларын әзірлеу, іске асыру, мониторингін жүргізу және түзету әдістемесінің 39-тармағына сәйкес БҰЙРАМЫН:

1. Осы бұйрыққа қосымшаға сәйкес Қазақстан Республикасы Мәдениет және ақпарат министрлігінің 2023-2027 жылдарға арналған даму жоспарының нысаналы индикаторларын есептеу әдістемесі бекітілсін.

2. Мына:

1) «Мемлекеттік жоспарлау жүйесінің құжаттарына енгізілген Қазақстан Республикасының Ақпарат және қоғамдық даму министрлігі бойынша көрсеткіштерді есептеу (қалыптастыру) әдістемесін бекіту туралы» Қазақстан Республикасы Ақпарат және қоғамдық даму министрінің 2022 жылғы 1 ақпандағы № 28/1 бұйрығының;

2) «Қазақстан Республикасы Ақпарат және қоғамдық даму министрінің бұйрығына өзгерістер енгізу туралы» Қазақстан Республикасы Мәдениет және ақпарат министрінің 2023 жылғы 12 желтоқсандағы № 509-НҚ бұйрығының күші жойылсын.

3. Талдау және стратегиялық жоспарлау департаменті осы бұйрықты бекітілген күнінен бастап он жұмыс күні ішінде Қазақстан Республикасы Мәдениет және ақпарат министрлігінің интернет-ресурсында орналастыруды қамтамасыз етсін.

3. Осы бұйрықтың орындалуын бақылау Қазақстан Республикасы Мәдениет және ақпарат министрлігінің аппараты басшысына жүктелсін.