«Жеке кәсіпкерлік субъектілерін қолдау және қорғау саласындағы тәуекел дәрежесін бағалау өлшемшарттарын және тексеру парақтарын бекіту туралы» Қазақстан Республикасы Ұлттық экономика министрінің 2018 жылғы 31 қазандағы № 49 бұйрығы (2021.30.06. берілген өзгерістер мен толықтырулармен) (күші жойылды)

Жеке кәсіпкерлік субъектілерін қолдау және қорғау саласындағы тәуекел дәрежесін бағалау өлшемшарттарын және тексеру парақтарын бекіту туралы

Қазақстан Республикасы Ұлттық экономика министрінің 2018 жылғы 31 қазандағы № 49 бұйрығы

(2021.30.06. берілген өзгерістер мен толықтырулармен)

ҚР Ұлттық экономика министрінің м.а. 2022 жылғы 28 қарашадағы № 91 бұйрығымен күші жойылды

ҚР Ұлттық экономика министрінің 2021.30.06. № 67 бұйрығымен кіріспе жаңа редакцияда (бұр.ред.қара)

2015 жылғы 29 қазандағы Қазақстан Республикасы Кәсіпкерлік кодексінің 141-бабының 3-тармағына және 143-бабының 1-тармағына сәйкес, БҰЙЫРАМЫН:

«Қазақстан Республикасы Кәсіпкерлік кодексінің 141-бабының 3-тармағына және 143-бабының 1-тармағына сәйкес, БҰЙЫРАМЫН:

1. Мыналар:

1) осы бұйрыққа 1-қосымшаға сәйкес жеке кәсіпкерлік субъектілерін қолдау және қорғау саласындағы тәуекел дәрежесін бағалау өлшемшарттары;

2) осы бұйрыққа 2-қосымшаға сәйкес бақылау субъектілерінің жеке кәсіпкерлік субъектілерінің қызметі салаларындағы мемлекеттік бақылауды және қадағалауды жүзеге асыру тәртібін сақтауы бойынша кәсіпкерлік субъектілерін қолдау және қорғау саласындағы тексеру парағы;

3) осы бұйрыққа 3-қосымшаға сәйкес бақылау субъектілерінің бірінші және екінші санаттағы рұқсаттарды беру, кәсіпкерлік қызметті жүзеге асыруға хабарлама қабылдау тәртібін сақтауы бойынша кәсіпкерлік субъектілерін қолдау және қорғау саласындағы тексеру парағы;

4) осы бұйрыққа 4-қосымшаға сәйкес бақылау субъектілерінің мемлекеттік қолдауды жүзеге асыру тәртібін сақтауы бойынша кәсіпкерлік субъектілерін қолдау және қорғау саласындағы тексеру парағы бекітілсін.