«Бiрегей, элиталық тұқым, бiрiншi, екiншi және үшiншi көбейтілген тұқым өндiрушiлердi және тұқым өткiзушiлердi аттестаттау» мемлекеттік көрсетілетін қызмет регламенті (Алматы қаласы әкімдігінің 2015 жылғы 11 қарашадағы № 4/620 қаулысымен бекітілді) (күші жойылды)

Алматы қаласы әкімдігінің

2015 жылғы 11 қарашадағы

№ 4/620 қаулысымен бекітілді

Алматы қаласы әкімдігінің 2020 жылғы 25 қыркүйектегі № 3/391 Қаулысымен күші жойылды

«Бiрегей, элиталық тұқым, бiрiншi, екiншi және үшiншi көбейтілген тұқым өндiрушiлердi және тұқым өткiзушiлердi аттестаттау»

 мемлекеттік көрсетілетін қызмет регламенті


1. Жалпы ережелер

1. «Бiрегей, элиталық тұқым, бiрiншi, екiншi және үшiншi көбейтілген тұқым өндiрушiлердi және тұқым өткiзушiлердi аттестаттау» осы мемлекеттік көрсетілетін қызмет регламенті (бұдан әрі -мемлекеттік көрсетілетін қызмет) Қазақстан Республикасы Ауыл шаруашылығы министрінің 2015 жылғы 6 мамырдағы № 4-2/416 бұйрығымен бекітілген «Бiрегей, элиталық тұқым, бiрiншi, екiншi және үшiншi көбейтілген тұқым өндiрушiлердi және тұқым өткiзушiлердi аттестаттау» мемлекеттік көрсетілетін қызмет Стандартының (бұдан әрі - Стандарт) негізінде әзірленген.

Мемлекеттік көрсетілетін қызметті Алматы қаласы, Қарасай батыр көшесі, 85, 114 кабинет, телефон 8(727) 267-62-06, 272-46-28 мекенжайы бойынша «Алматы қаласы Ауыл шаруашылығы басқармасы» коммуналдық мемлекеттік мекемесі арқылы Алматы қаласының әкімдігі (бұдан әрі - көрсетілетін қызметті беруші) көрсетеді.

Өтініштерді қабылдау және мемлекеттік қызметті көрсету нәтижелерін беру баламалы негізде көрсетілетін қызметті беруші, www.egov.kz «электрондық үкімет» веб-порталы (бұдан әрі - портал) сондай-ақ халыққа қызмет көрсету орталықтары (бұдан әрі - ХҚО) арқылы жүзеге асырылады.

2. Мемлекеттік қызметті көрсету нысаны: электрондық (ішінара автоматтандырылған) және (немесе) қағаз түрінде.

3. Мемлекеттік қызметті көрсету нәтижесі мыналар болып табылады:

1) көрсетілетін қызметті берушіге және (немесе) орталыққа өтініш берген кезде - жеке қосалқы шаруашылықтың болуы туралы анықтама;

2) портал арқылы өтініш берген кезде: көрсетілетін қызметті берушінің уәкілетті тұлғасының электрондық-цифрлық қолтаңбасымен куәландырылған электрондық құжат нысанындағы жеке қосалқы шаруашылықтың болуы туралы анықтама.