«Мүгедектер үшiн жұмыс орындарына квота белгілеу және «Мүгедектер үшiн жұмыс орындарына квота белгілеу туралы» Шымкент қаласы әкімдігінің 2018 жылғы 28 ақпандағы № 101 қаулысының күші жойылды деп тану туралы» Шымкент қаласы әкімдігінің 2019 жылғы 20 наурыздағы № 245 Қаулысы (2020.19.06. берілген өзгерістермен) (күші жойылды)

Мүгедектер үшiн жұмыс орындарына квота белгілеу және «Мүгедектер үшiн жұмыс орындарына квота белгілеу туралы» Шымкент қаласы әкімдігінің 2018 жылғы 28 ақпандағы № 101 қаулысының күші жойылды деп тану туралы
Шымкент қаласы әкімдігінің 2019 жылғы 20 наурыздағы № 245 Қаулысы

(2020.19.06. берілген өзгерістермен)

Шымкент қаласы әкімдігінің 2021 жылғы 18 тамыздағы № 780 Қаулысымен күші жойылды

2015 жылғы 23 қарашадағы Қазақстан Республикасы Еңбек кодексінің 18-бабының 7) тармақшасына және «Халықты жұмыспен қамту туралы» 2016 жылғы 6 сәуірдегі Қазақстан Республикасының Заңының 9-бабының 6) тармақшасына сәйкес, Шымкент қаласының әкімдігі ҚАУЛЫ ЕТЕДІ:

1. Мүгедектер үшін жұмыс орындарына осы қаулының қосымшасына сәйкес квота белгіленсін.

2. «Мүгедектер үшiн жұмыс орындарына квота белгілеу туралы» Шымкент қаласы әкімдігінің 2018 жылғы 28 ақпандағы № 101 (Нормативтік құқықтық актілерді мемлекеттік тіркеу тізілімінде № 4479 болып тіркелген, 2018 жылғы 6 сәуірдегі «Шымкент келбеті» газетінде және 2018 жылғы 6 сәуірдегі Қазақстан Республикасының нормативтік құқықтық актілерінің эталондық бақылау банкінде жарияланған) қаулысының күші жойылды деп танылсын.

3. «Шымкент қаласы әкімінің аппараты» мемлекеттік мекемесі Қазақстан Республикасының заңнамалық актілерінде белгіленген тәртіпте:

1) осы қаулының Шымкент қаласының Әділет департаментінде мемлекеттік тіркелуін;

2) осы әкімдік қаулысы мемлекеттік тіркелген күнінен бастап күнтізбелік он күн ішінде оның көшірмесін қағаз және электрондық түрде қазақ және орыс тілдерінде Қазақстан Республикасы Әділет министрлігінің «Республикалық құқықтық ақпарат орталығы» шаруашылық жүргізу құқығындағы республикалық мемлекеттік кәсіпорнының филиалы - Шымкент аймақтық құқықтық ақпарат орталығына Қазақстан Республикасы нормативтік құқықтық актілерінің эталондық бақылау банкіне ресми жариялау және енгізу үшін жолданылуын;