«Өздерінің бақылау функцияларын жүзеге асыру үшін қажетті ақпарат пен құжаттарды сақтанушының, сақтандырушының, агенттің және қоғамның ұсыну нысаны мен мерзімдерін белгілеу туралы» Алматы облысы әкімдігінң 2015 жылғы 18 мамырдағы № 215 Қаулысы (күші жойылды)

Өздерінің бақылау функцияларын жүзеге асыру үшін қажетті ақпарат пен құжаттарды сақтанушының, сақтандырушының, агенттің және қоғамның ұсыну нысаны мен мерзімдерін белгілеу туралы
Алматы облысы әкімдігінң 2015 жылғы 18 мамырдағы № 215 Қаулысы

Алматы облысы әкімдігінің 2024 жылғы 30 қыркүйектегі № 301 Қаулысымен күші жойылды

«Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасы Заңының 37-бабының 1-тармағына және «Өсімдік шаруашылығындағы міндетті сақтандыру туралы» 2004 жылғы 10 наурыздағы Қазақстан Республикасы Заңының 5-бабы 2-1-тармағы 5) тармақшасына сәйкес Алматы облысы әкімдігі ҚАУЛЫ ЕТЕДІ:

1. Берілетін ақпарат пен құжаттың мынадай нысандары белгіленсін:

1) сақтанушы үшін осы қаулының 1-қосымшасына сәйкес;

2) сақтандырушы және өзара сақтандыру қоғамы үшін осы қаулының 2, 5, 6-қосымшаларына сәйкес;

3) агент үшін осы қаулының 3, 4, 5, 6 қосымшаларына сәйкес.

2. Ақпарат пен құжатты:

1) сақтанушының - осы қаулының 1-қосымшасы бойынша аудандық (қалалық) ауыл шаруашылығы бөлімінің атына сақтандырушымен немесе өзара сақтандыру қоғамымен міндетті сақтандыру шартын жасасқаннан кейін бір айдың ішінде;

2) сақтандырушының және өзара сақтандыру қоғамы - осы қаулының 2, 5, 6-қосымшалары бойынша агентке және 3, 5, 6-қосымшалары бойынша аудандық (қалалық) ауыл шаруашылығы бөліміне апта сайын;

3) агентпен - апта сайын «Алматы облысының ауыл шаруашылығы басқармасы» мемлекеттік мекемесіне осы қаулының 3, 4, 5, 6-қосымшалары бойынша, аудандық (қалалық) ауыл шаруашылығы бөліміне осы қаулының 4, 5, 6-қосымшалары бойынша ұсынылатындығы белгіленсін.

3. «Алматы облысының ауыл шаруашылығы басқармасы» мемлекеттік мекемесінің басшысына осы қаулыны әділет органдарында мемлекеттік тіркелгеннен кейін ресми және мерзімді баспа басылымдарында, сондай-ақ Қазақстан Республикасының Үкіметі белгілеген интернет - ресурста және облыс әкімдігінің интернет - ресурсында жариялау жүктелсін.