ҚР СТ 3910-2023 «Жануарлар. Скрепиді зертханалық диагностикалау. Негізгі ережелер»

ҚР СТ 3910-2023

Жануарлар

Скрепиді зертханалық диагностикалау

Негізгі ережелер

Қазақстан Республикасы Сауда және интеграция министрлігінің

Техникалық реттеу және метрология комитеті

(Мемстандарт)

Мазмұны

Кіріспе

1. Қолданылу саласы

2. Таңбалар мен қысқартулар

3. Клиникалық белгілері

4. Генетикалық факторлар

5. Классикалық скрепи мен ІҚМ ГЭ арасындағы айырмашылықты белгілеу

6. Биологиялық қауіпсіздік

7. Диагностикалау әдістері

8. Қоздырғышты анықтау

9. Серологиялық тестілер

10. Резистенттілікке генетикалық скрининг жасау

11. Вакциналарға қойылатын талаптар

Осы стандарт Қазақстан Республикасы Сауда және интеграция министрлігі Техникалық реттеу және метрология комитетінің рұқсатынсыз ресми басылым ретінде толықтай немесе бөлшектеліп басылып шығарыла, көбейтіле және таратыла алмайды

Кіріспе

Аурудың сипаттамасы: «Скрепи» термині классикалық және типсіз скрепи деген екі түрлі патологиялық түзілімді қамтиды. Екі ауру да созылмалы, нейродегенеративті, қой мен ешкінің өлімге әкелетін аурулары болып табылады және ұқсас қоздырғыштардан туындайды. Олар клиникалық көрінісі, патогенезі, патологиясы, биохимиялық қасиеттері және эпидемиологиясы бойынша ерекшеленеді.

Классикалық скрепи орталық жүйке жүйесінің (ОЖЖ) вакуолярлық өзгерістерімен сипатталады. Скрепи трансмиссивті губка тәрізді энцефалопатия (ТГЭ) немесе ОЖЖ-де PrPSc деп аталатын қожайынның жарғақшалы гликопротеинінің (приондық ақуыз немесе РrР) қалыптан тыс формасының жиналуымен сипатталатын приондық ауру ретінде жіктеледі. РrР генінің полиморфизмдерін скрепиді сезгіштікпен байланыстырады. Қойдағы классикалық скрепимен күресудің тиімді құралы ретінде төзімділік үшін селекция қолданылды. РrР генотипіне қарай, PrPSc классикалық скрепимен ауыратын жануарлардың лимфоретикулярлық тіндерінде болуы мүмкін.