«Алматы қаласы Энергетика және коммуналдық шаруашылық басқармасы» коммуналдық мемлекеттік мекемесі туралы Ережені бекіту туралы» Алматы қаласы әкімдігінің 2015 жылғы 20 сәуірдегі № 2/257 Қаулысы (күші жойылды)

«Алматы қаласы Энергетика және коммуналдық шаруашылық басқармасы» коммуналдық мемлекеттік мекемесі туралы Ережені бекіту туралы
Алматы қаласы әкімдігінің 2015 жылғы 20 сәуірдегі № 2/257 Қаулысы

Алматы қаласы әкімдігінің 2019 жылғы 24 сәуірдегі № 2/250 Қаулысымен күші жойылды

Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңына сәйкес, Алматы қаласының әкімдігі ҚАУЛЫ ЕТЕДІ:

1. Қоса беріліп отырған «Алматы қаласы Энергетика және коммуналдық шаруашылық басқармасы» коммуналдық мемлекеттік мекемесі туралы Ереже бекітілсін.

2. «Алматы қаласы Энергетика және коммуналдық шаруашылық басқармасы» коммуналдық мемлекеттік мекемесі заңнамамен белгіленген тәртіпте:

1) Алматы қаласының әділет органдарына өзінің құрылтай құжаттарына енгізілген өзгерістер туралы хабарласын;

2) осы қаулыны интернет-ресурста орналастыруды қамтамасыз етсін.

3. Осы қаулының орындалуын бақылау Алматы қаласы әкімінің орынбасары Е. Шормановқа жүктелсін.

4. Осы қаулы әділет органдарында мемлекеттік тіркелген күннен бастап күшіне енеді және ол алғаш ресми жарияланғаннан кейін күнтізбелік он күн өткен соң қолданысқа енгізіледі.А

Алматы қаласы әкімдігінің

2015 жылғы 20 сәуідегі

№ 2/257 қаулысымен бекітілді

«Алматы қаласы Энергетика және коммуналдық
шаруашылық басқармасы» коммуналдық мемлекеттік мекемесі туралы

Ереже

1. Жалпы ережелер

1. «Алматы қаласы Энергетика және коммуналдық шаруашылық басқармасы» коммуналдық мемлекеттік мекемесі Алматы қаласының аумағында энергетика, коммуналдық шаруашылық, өнеркәсіптік қауіпсіздік саласында басшылықты жүзеге асыратын Қазақстан Республикасының мемлекеттік органы болып табылады.