(БҰРЫНҒЫ РЕДАКЦИЯ) «ТҰТЫНУШЫЛАРДЫҢ ҚҰҚЫҚТАРЫН ҚОРҒАУ ЖӨНІНДЕГІ ВЕДОМСТВ...

Тұтынушылардың құқықтарын қорғау жөніндегі ведомствоаралық кеңес туралы

Қазақстан Республикасы Премьер-Министрінің орынбасары - Сауда және интеграция министрінің 2022 жылғы 15 шілдедегі № 292-НҚ бұйрығы

Осы редакция 2024 жылғы 10 қаңтарда енгізілген өзгерістеріне дейін қолданылды 

«Тұтынушылардың құқықтарын қорғау туралы» Қазақстан Республикасы Заңының 5-бабы 3) және 14) тармақшаларына сәйкес БҰЙЫРАМЫН:

1. Тұтынушылардың құқықтарын қорғау жөніндегі ведомствоаралық кеңес (бұдан әрі - Кеңес) құрылсын.

2. Мыналар:

1) осы бұйрыққа 1-қосымшаға сәйкес Кеңестің құрамы;

2) осы бұйрыққа 2-қосымшаға сәйкес Кеңес туралы ереже бекітілсін.

3. Осы бұйрықтың орындалуын бақылау Қазақстан Республикасының Сауда және интеграция бірінші вице-министріне жүктелсін.

4. Осы бұйрық қол қойылған күнінен бастап күшіне енеді.

Қазақстан Республикасы

Премьер-Министрінің орынбасары -

Сауда және интеграция министрінің

2022 жылғы 15 шілдедегі

№ 292-НҚ бұйрығына

1-қосымша

Тұтынушылардың құқықтарын қорғау жөніндегі ведомствоаралық

кеңестің құрамы

Қазақстан Республикасы Премьер-Министрінің орынбасары - Сауда және интеграция министрі, төраға;

Қазақстан Республикасының Сауда және интеграция бірінші вице-министрі, төрағаның орынбасары;

Қазақстан Республикасы Сауда және интеграция министрлігі Тұтынушылардың құқықтарын қорғау комитетінің төрағасы;

Қазақстан Республикасы Сауда және интеграция министрлігі Тұтынушылардың құқықтарын қорғау комитеті төрағасының орынбасары, хатшы;

Қазақстан Республикасы Қаржы вице-министрі (келісім бойынша);

Қазақстан Республикасы Ұлттық экономика вице-министрі (келісім бойынша);

Қазақстан Республикасы Индустрия және инфрақұрылымдық даму вице-министрі (келісім бойынша);

Қазақстан Республикасы Ақпарат және қоғамдық даму вице-министрі (келісім бойынша);