Кыргыз Республикасынын Жогорку сотунун административдик жана экономикалык иштер боюнча соттук коллегиясынын 2015-жылдын 15-июнундагы № АД-292/14 МД токтому

Кыргыз Республикасынын Жогорку сотунун административдик жана экономикалык иштер боюнча соттук коллегиясынын 2015-жылдын 15-июнундагы токтому

Иш № АД-292/14 МД

Көзөмөл өндүрүшү № 6-419/15 АД

Кыргыз Республикасынын Жогорку сотунун административдик жана экономикалык иштер боюнча соттук коллегиясы курамында:

төрагалык кылуучу: Джумашов К.О.,

судьялар: Боронбаева Д.С., Осмоналиев К.Т.,

катчы: Абышов Б.,

тараптардан: М.Сапановдун өкүлдөрү - М.Сапанова, Н.Баймуратовдун (ишеним кат 2015-жылдын 12-июнунан) катышуусунда,

ачык соттук отурумда М.Сапановдун Ош областтык сотунун административдик жана экономикалык иштер боюнча соттук коллегиясынын 2014-жылдын 4-сентябрындагы токтомуна карата келтирилген көзөмөл тартибиндеги даттануусун карап, ал токтом менен Ош областынын райондор аралык сотунун 2014-жылдын 28-мартындагы чечими жокко чыгарылган. Иш жаңыдан кароого ошол эле сотко жөнөтүлгөн. Кассациялык арыз жарым-жартылай канааттандырылган

(төрагалык кылуучу Эгембердиева А.У., судьялар: Салиев К.А., Масабирова Т.Ж.),

Кыргыз Республикасынын Жогорку сотунун судьясынын баяндамасын угуп, административдик жана экономикалык иштер боюнча соттук коллегия

ТАПТЫ:

Мырзаев Жолдубай, Сапанов Мамараим, Султанова Нурбүбү, Саттиев Акмат, Сапанова Маликахан Ош областынын райондор аралык сотуна арыз менен кайрылышып, анда Мады айыл өкмөтүнүн токтомдорун, Кара-Суу райондук мамлекеттик администрациясынын 2000-жылдын 1-сентябрындагы № 539 токтомун, К.Омурзаковго берилген мамлекеттик актыларды жокко чыгарып берүүнү сурашкан.