(БҰРЫНҒЫ РЕДАКЦИЯ) «ҰЛЫҚ ҰЛЫС» – АЛТЫН ОРДАНЫҢ 750 ЖЫЛДЫҒЫНА ДАЙЫНДЫҚ Ж...

«Ұлық Ұлыс» - Алтын Орданың 750 жылдығына дайындық және оны мерекелеу жөніндегі іс-шаралар жоспарын бекіту туралы
Қазақстан Республикасы Үкіметінің 2019 жылғы 31 желтоқсандағы № 1059 Қаулысы

Осы редакция 2020 жылғы 12 желтоқсанда енгізілген өзгерістеріне дейін қолданылды

Қазақстан Республикасы Президентінің 2019 жылғы 10 қыркүйектегі № 152 Жарлығымен бекітілген Мемлекет басшысының 2019 жылғы 2 қыркүйектегі «Сындарлы қоғамдық диалог - Қазақстанның тұрақтылығы мен өркендеуінің негізі» атты Қазақстан халқына Жолдауын іске асыру жөніндегі жалпыұлттық іс-шаралар жоспарының 11-тармағына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған «Ұлық Ұлыс» - Алтын Орданың 750 жылдығына дайындық және оны мерекелеу жөніндегі іс-шаралар жоспары (бұдан әрі - Іс-шаралар жоспары) бекітілсін.

2. Орталық мемлекеттік және жергілікті атқарушы органдар мен ұйымдар (келісу бойынша):

1) Іс-шаралар жоспарында көзделген іс-шаралардың уақтылы орындалуын қамтамасыз етсін;

2) жарты жылда бір рет, жарты жылдың соңғы айының 10-күнінен кешіктірмей, Қазақстан Республикасының Мәдениет және спорт министрлігіне Іс-шаралар жоспарының орындалу барысы туралы ақпарат берсін.

3. Қазақстан Республикасының Мәдениет және спорт министрлігі жылына екі рет, 25 маусымға және 25 желтоқсанға қарай Қазақстан Республикасының Үкіметіне және Қазақстан Республикасының Президент Әкімшілігіне Іс-шаралар жоспарының орындалу барысы туралы жиынтық ақпарат берсін.

4. Осы қаулының орындалуын бақылау Қазақстан Республикасы Мәдениет және спорт министрлігіне жүктелсін.

5. Осы қаулы қол қойылған күнінен бастап қолданысқа енгізіледі.

Қазақстан Республикасы

Үкіметінің

2019 жылғы 31 желтоқсандағы

№ 1059 қаулысымен

бекітілген

«Ұлық Ұлыс» - Алтын Орданың 750 жылдығына дайындық және оны мерекелеу жөніндегі

 іс-шаралар жоспары