(БҰРЫНҒЫ РЕДАКЦИЯ) «АСТАНА ҚАЛАСЫНДА ӘЛЕУМЕТТІК-ЕҢБЕК САЛАСЫНДАҒЫ МЕМЛЕ...

Астана қаласында әлеуметтік-еңбек саласындағы мемлекеттік көрсетілетін қызмет регламенттерін бекіту туралы
Астана қаласы әкімдігінің 2015 жылғы 27 шілдедегі № 158-1286 Қаулысы

(2017.01.02. берілген өзгерістермен)

Осы редакция 2017 жылғы 2 мамырда енгізілген өзгерістеріне дейін қолданылды

«Мемлекеттік көрсетілетін қызметтер туралы» Қазақстан Республикасының 2013 жылғы 15 сәуірдегі Заңының 16-бабына, Қазақстан Республикасы Денсаулық сақтау және әлеуметтік даму министрінің «Әлеуметтік-еңбек саласындағы мемлекеттік көрсетілетін қызмет стандарттарын бекіту туралы» 2015 жылғы 28 сәуірдегі № 279 бұйрығына сәйкес Астана қаласының - әкімдігі ҚАУЛЫ ЕТЕДІ:

Астана қаласы әкімдігінің 2017.01.02. № 158-159 Қаулысымен 1-тармақ өзгертілді (бұр.ред.қара)

1. Мыналар:

1) «Жұмыссыз азаматтарды тіркеу және есепке қою» мемлекеттік көрсетілетін қызмет регламенті 1-қосымшаға сәйкес;

2) «Семей ядролық сынақ полигонында ядролық сынақтардың салдарынан зардап шеккен азаматтарды тіркеу, біржолғы мемлекеттік ақшалай өтемақы төлеу, куәліктер беру» мемлекеттік көрсетілетін қызмет регламенті 2-қосымшаға сәйкес;

3) «Мүгедектерді сурдо-тифлотехникалық және міндетті гигиеналық құралдармен қамтамасыз ету» мемлекеттік көрсетілетін қызмет регламенті 3-қосымшаға сәйкес;

4) «Он сегіз жасқа дейінгі балаларға мемлекеттік жәрдемақы тағайындау» мемлекеттік көрсетілетін қызмет регламенті 4-қосымшаға сәйкес;

5) «Мемлекеттік атаулы әлеуметтік көмек тағайындау» мемлекеттік көрсетілетін қызмет регламенті 5-қосымшаға сәйкес;

6) «Жүріп-тұруы қиын бірінші топтағы мүгедектерге жеке көмекшінің және есту кемістігі бар мүгедектерге ымдау тілі маманының қызметтерін ұсыну үшін мүгедектерге құжаттарды ресімдеу» мемлекеттік көрсетілетін қызмет регламенті 6-қосымшаға сәйкес;