«2022-2023 оқу жылына арналған техникалық және кәсіптік, орта білімнен кейінгі білімі бар кадрларды даярлауға арналған мемлекеттік білім беру тапсырысын бекіту туралы» Алматы қаласы әкімдігінің 2022 жылғы 5 қазандағы № 4/521 Қаулысы

2022-2023 оқу жылына арналған техникалық және кәсіптік, орта білімнен кейінгі білімі бар кадрларды даярлауға арналған мемлекеттік білім беру тапсырысын бекіту туралы
Алматы қаласы әкімдігінің 2022 жылғы 5 қазандағы № 4/521 Қаулысы

«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңының 37-бабына және «Білім туралы» Қазақстан Республикасы Заңының 6-бабы 3-тармағының 7-3) тармақшасына сәйкес, Алматы қаласының әкiмдiгi ҚАУЛЫ ЕТЕДI:

1. 2022-2023 оқу жылына арналған техникалық және кәсіптік, орта білімнен кейінгі білімі бар кадрларды даярлауға арналған мемлекеттік білім беру тапсырысы осы қаулының қосымшасына сәйкес бекітілсін.

2. «Алматы қаласы Білім басқармасы» коммуналдық мемлекеттік мекемесі заңнамасында белгіленген тәртіппен:

1) осы қаулының Қазақстан Республикасы Әділет министрлігінде мемлекеттік тіркелуін;

2) осы қаулының Алматы қаласы әкімдігінің интернет-ресурсында орналастыруын қамтамасыз етсін.

3. Осы қаулының орындалуын бақылау жетекшілік ететін Алматы қаласы әкiмiнiң орынбасарына жүктелсiн.

4. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгiзiледі.

Алматы қаласы әкімдігінің

2022 жылғы 5 қазандағы

№ 4/521 Қаулыға қосымша

2022-2023 оқу жылына арналған техникалық және кәсіби, орта білімнен кейінгі білімі бар кадрларды даярлауға арналған

мемлекеттік білім беру тапсырысы