«Жарқайың ауданы коммуналдық қалдықтардың түзілу және жинақталу нормаларын есептеудің қағидалары бекіту туралы» Ақмола облысы Жарқайың ауданы әкімдігінің 2022 жылғы 11 ақпандағы № А-2/129 Қаулысы

Жарқайың ауданы коммуналдық қалдықтардың түзілу және жинақталу нормаларын есептеудің қағидалары бекіту туралы
Ақмола облысы Жарқайың ауданы әкімдігінің 2022 жылғы 11 ақпандағы № А-2/129 Қаулысы

Қазақстан Республикасының Экология Кодексінің 365-бабы 4-тармағының 6) тармақшасына сәйкес Жарқайың ауданының әкімдігі ҚАУЛЫ ЕТЕДІ:

1. Жарқайың ауданы коммуналдық қалдықтардың түзілу және жинақталу нормаларын есептеудің қағидалары осы қаулының қосымшасына сәйкес бекітілсін.

2. Осы қаулының орындалуын бақылау Жарқайың ауданы әкімінің орынбасары Б.П.Шоновқа жүктелсін.

3. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Жарқайың ауданы әкімдігінің

2022 жылғы 11 ақпан

№ А-2/129 қаулысымен

бекітілген

Жарқайың ауданы коммуналдық қалдықтардың түзілу және жинақталу нормаларын есептеудің

қағидалары

1-тарау. Жалпы ережелер

1. Осы Коммуналдық қалдықтардың түзілу және жинақталу нормаларын есептеудің үлгілік қағидалары (бұдан әрі – Қағидалар) Қазақстан Республикасының Экология кодексінің 365-бабы 4-тармағының 6) тармақшасына сәйкес әзірленді және коммуналдық қалдықтардың түзілу және жинақталу нормаларын есептеудің тәртібін айқындайды.

2. Коммуналдық қалдықтар деп мынадай тұтыну қалдықтары түсініледі:

1) өзгелермен қатар қағаз бен картонды, шыныны, металдарды, пластмассаны, органикалық қалдықтарды, сүректі, тоқыманы, қаптаманы, пайдаланылған электр және электрондық жабдықтарды, батареялар мен аккумуляторларды қоса алғанда, үй шаруашылықтарының аралас қалдықтары мен бөлек жиналған қалдықтары;

2) егер аралас қалдықтар және басқа көздерден бөлек жиналған қалдықтар өзінің сипаты мен құрамы бойынша үй шаруашылықтарының қалдықтарына ұқсас болса, осындай қалдықтар.