«Азаматтардың жекелеген санаттарына амбулаториялық емделу кезінде тегін дәрілік заттарды қосымша беру туралы» Шымкент қаласы мәслихатының 2018 жылғы 14 желтоқсандағы № 42/338-6с шешіміне өзгеріс енгізу туралы» Шымкент қалалық мәслихатының 2019 жылғы 27 маусымдағы № 51/423-6с шешiмi (күші жойылды)

«Азаматтардың жекелеген санаттарына амбулаториялық емделу кезінде тегін дәрілік заттарды қосымша беру туралы» Шымкент қаласы мәслихатының 2018 жылғы 14 желтоқсандағы № 42/338-6с шешіміне өзгеріс енгізу туралы
Шымкент қалалық мәслихатының 2019 жылғы 27 маусымдағы № 51/423-6с шешiмi

Шымкент қаласы мәслихатының 2020 жылғы 15 желтоқсандағы № 72/675-6с шешiмiмен күші жойылды

«Халық денсаулығы және денсаулық сақтау жүйесі туралы» 2009 жылғы 18 қыркүйектегі Қазақстан Республикасының Кодексінің 9-бабының 1-тармағының 5) тармақшасына сәйкес Шымкент қаласының мәслихаты ШЕШІМ ҚАБЫЛДАДЫ:

1. «Азаматтардың жекелеген санаттарына амбулаториялық емделу кезінде тегін дәрілік заттарды қосымша беру туралы» Шымкент қаласы мәслихатының 2018 жылғы 14 желтоқсандағы №42/338-6с шешіміне (бұдан әрі - шешім) (нормативтік құқықтық актілерді мемлекеттік тіркеу Тізілімінде № 16 болып тіркелген, 2019 жылғы 23 қаңтарда «Шымкент келбеті» газетінде жарияланған) келесі өзгеріс енгізілсін:

шешімнің атауы мынадай редакцияда жазылсын:

«Азаматтардың жекелеген санаттарына амбулаториялық емделу кезінде тегін дәрілік заттарды, бейімделген емдік өнімдерді қосымша беру туралы»;

шешімнің 1-тармағы мынадай редакцияда жазылсын:

«1. Осы шешімнің қосымшасына сәйкес азаматтардың жекелеген санаттарына амбулаториялық емделу кезінде тегін дәрілік заттарды, бейімделген емдік өнімдерді қосымша беру тізбесі бекітілсін.»;

шешіммен бекітілген Азаматтардың жекелеген санаттарына амбулаториялық емдеу кезінде тегін дәрілік заттарды, бейімделген емдік өнімдерді қосымша беру тізбесі осы шешімнің қосымшасына сәйкес жаңа редакцияда жазылсын.

2. Шымкент қаласының мәслихатының аппараты Қазақстан Республикасының заңнамалық актілерінде белгіленген тәртіпте:

1) осы шешімді аумақтық әділет органында мемлекеттік тіркеуді;