«Ерекше жағдайлар үшін және денсаулыққа және өмірге зиян келтіру қаупімен байланысты жұмыс үшін қосымша ақы төлеу қағидалары мен шарттарын, сондай-ақ күту режимінде болғаны және авариялық-құтқару және шұғыл жұмыстарға шығуға тұрақты дайындығы үшін үстемеақылар төлеу қағидалары мен шарттарын бекіту туралы» Қазақстан Республикасы Ішкі істер министрінің 2019 жылғы 18 қаңтардағы № 36 бұйрығы (2023.22.04. берілген өзгерістер мен толықтыруларымен)

Ерекше жағдайлар үшін және денсаулыққа және өмірге зиян келтіру қаупімен байланысты жұмыс үшін қосымша ақы төлеу қағидалары мен шарттарын, сондай-ақ күту режимінде болғаны және авариялық-құтқару және шұғыл жұмыстарға шығуға тұрақты дайындығы үшін үстемеақылар төлеу қағидалары мен шарттарын бекіту туралы
Қазақстан Республикасы Ішкі істер министрінің 2019 жылғы 18 қаңтардағы № 36 бұйрығы

(2023.22.04. берілген өзгерістер мен толықтыруларымен)

ҚР Төтенше жағдайлар министрінің 2023.06.04. № 182 бұйрығымен тақырыбы жаңа редакцияда (2023 ж. 22 сәуірден бастап қолданысқа енгізілді және 2023 ж. 1 қаңтардан бастап туындаған құқықтық қатынастарға қолданылады) (бұр.ред.қара)

«Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы» Қазақстан Республикасы Үкіметінің 2015 жылғы 31 желтоқсандағы № 1193 қаулысының 12-қосымшасына сәйкес БҰЙЫРАМЫН:

ҚР Төтенше жағдайлар министрінің 2023.06.04. № 182 бұйрығымен 1-тармақ жаңа редакцияда (2023 ж. 22 сәуірден бастап қолданысқа енгізілді және 2023 ж. 1 қаңтардан бастап туындаған құқықтық қатынастарға қолданылады) (бұр.ред.қара)

1. Қоса беріліп отырған ерекше жағдайлар үшін және денсаулыққа және өмірге зиян келтіру қаупімен байланысты жұмыс үшін қосымша ақы, сондай-ақ күту режимінде болғаны және авариялық-құтқару және шұғыл жұмыстарға шығуға тұрақты дайындығы үшін үстемеақы төлеу қағидалары мен шарттары бекітілсін.

2. Қазақстан Республикасы Ішкі істер министрлігінің Төтенше жағдайлар комитеті (В.Р. Беккер) Қазақстан Республикасының заңнамасында белгіленген тәртіпте:

1) осы бұйрықты Қазақстан Республикасының Әділет министрлігінде мемлекеттік тіркеуді;