«Әлеуметтік медициналық сақтандыру қоры» коммерциялық емес акционерлік қоғамының ауылдық жерлерде медициналық қызметтерге ақы төлеу кезінде түзету коэффициентін қолдану себептерін анықтау туралы» Қазақстан Республикасы Денсаулық сақтау министрінің 2021 жылғы 2 желтоқсандағы № 771 бұйрығы

«Әлеуметтік медициналық сақтандыру қоры» коммерциялық емес акционерлік қоғамының ауылдық жерлерде медициналық қызметтерге ақы төлеу кезінде түзету коэффициентін қолдану себептерін анықтау туралы

Қазақстан Республикасы Денсаулық сақтау министрінің 2021 жылғы 2 желтоқсандағы № 771 бұйрығы

Қазақстан Республикасының Әкімшілік рәсімдік-процестік кодексінің 4-бабы 1-тармағының 39) тармақшасына, 38-бабына, Қазақстан Республикасы Үкіметінің 2017 жылғы 17 ақпандағы № 71 қаулысымен бекітілген Қазақстан Республикасының Денсаулық сақтау министрлігі туралы ереженің 22-тармағының 10) тармақшасына сәйкес БҰЙЫРАМЫН:

1. Осы бұйрыққа қосымшаға сәйкес құрамда «Әлеуметтік медициналық сақтандыру қоры» коммерциялық емес акционерлік қоғамының ауылдық жерлерде медициналық қызметтерге ақы төлеу кезінде түзету коэффициентін қолдану себептерін анықтау үшін (бұдан әрі - Комиссия) комиссия құрылсын.

2. Комиссия:

1) 2021 жылғы 3 желтоқсаннан 10 желтоқсанды қоса алғанға дейінгі мерзімде «Әлеуметтік медициналық сақтандыру қоры» коммерциялық емес акционерлік қоғамының ауылдық жерлерде медициналық қызметтерге ақы төлеу кезінде түзету коэффициентін қолдану себептерін анықтау бойынша тексеру жүргізсін;