«Шағын және орта кәсіпкерлік субъектілеріне қосымша қолдау көрсету шаралары туралы» Қазақстан Республикасы Қаржы нарығын реттеу және дамыту агенттігі Төрағасының 2020 жылғы 15 маусымдағы № 251 бұйрығына өзгерістер мен толықтыру енгізу туралы» Қазақстан Республикасының Қаржы нарығын реттеу және дамыту агенттігі Төрағасының 2020 жылғы 3 тамыздағы № 311 бұйрығы

«Шағын және орта кәсіпкерлік субъектілеріне қосымша қолдау көрсету шаралары туралы» Қазақстан Республикасы Қаржы нарығын реттеу және дамыту агенттігі Төрағасының 2020 жылғы 15 маусымдағы № 251 бұйрығына өзгерістер мен толықтыру енгізу туралы
Қазақстан Республикасының Қаржы нарығын реттеу және дамыту агенттігі Төрағасының 2020 жылғы 3 тамыздағы № 311 бұйрығы

Шағын және орта кәсіпкерлік субъектілеріне қолдау көрсету, қаржылық жағдайды қалпына келтіру жөніндегі жоспарларды іске асыру және банктік қарыз және микрокредит шарттары бойынша мерзімі өткен берешектің туындау жағдайларының алдын алу мақсатында БҰЙЫРАМЫН:

1. «Шағын және орта кәсіпкерлік субъектілеріне қосымша қолдау көрсету шаралары туралы» Қазақстан Республикасы Қаржы нарығын реттеу және дамыту агенттігі Төрағасының 2020 жылғы 15 маусымдағы № 251 бұйрығына мынадай өзгерістер мен толықтыру енгізілсін:

көрсетілген бұйрықпен бекітілген Шағын және орта кәсіпкерлік субъектілеріне қолдау шараларын көрсету тәртібінде (бұдан әрі - Тәртіп):

2-бұйрықтың бірінші бөлігі мынадай редакцияда жазылсын:

«2. Кредиттік ұйымның ішкі тәртібінде мұндай өтініштің үлгі нысаны көзделмеген болса, қолдау қарыз алушының еркін нысанда жазылған өтініші негізінде көрсетіледі.»;

6- 1-тармақ мынадай редакцияда жазылсын:

«6-1. Кредиттік ұйым «Қатаң карантиндік шектеу шараларын енгізу туралы» Қазақстан Республикасы Бас мемлекеттік санитариялық дәрігерінің 2020 жылғы 3 шілдедегі № 44 қаулысына сәйкес қызметі шектеулі карантин шараларын енгізу нәтижесінде шектелген, тыйым салынған, не тоқтатыла тұрған шағын және орта кәсіпкерлік субъектілерінің банктік қарыз және (немесе) микрокредит шарттары бойынша төлемдерді қайта қаржыландыру не төлемдер мерзімін кейінге қалдыру туралы шешімді қарыз алушының қаржылық жағдайдың нашарлауын растайтын құжаттарды ұсынбай, қарыз алушының өтініші негізінде, қарыз алушының осы Тәртіпке қосымшаға сәйкес қызмет түрлерінің бірін жүзеге асырған кезде қабылдайды.