«Қазақстан Республикасы Ауыл шаруашылығы министрінің кейбір бұйрықтарына өзгерістер мен толықтырулар енгізу туралы» Қазақстан Республикасы Ауыл шаруашылығы министрінің 2021 жылғы 30 сәуірдегі № 146 бұйрығы

Қазақстан Республикасы Ауыл шаруашылығы министрінің кейбір бұйрықтарына өзгерістер мен толықтырулар енгізу туралы
Қазақстан Республикасы Ауыл шаруашылығы министрінің 2021 жылғы 30 сәуірдегі № 146 бұйрығы

БҰЙЫРАМЫН:

1. Қазақстан Республикасы Ауыл шаруашылығы министрінің кейбір бұйрықтарына мынадай өзгерістер мен толықтырулар енгізілсін:

1) «Өсімдік шаруашылығы бойынша әкімшілік деректерді жинау үшін арналған нысандарды бекіту туралы» Қазақстан Республикасы Ауыл шаруашылығы министрінің 2013 жылғы 18 қазандағы № 4-1/509 бұйрығында (Нормативтік құқықтық актілерді мемлекеттік тіркеу тізілімінде № 8949 болып тіркелген):

кіріспеcі мынадай редакцияда жазылсын:

«Мемлекеттік статистика туралы» Қазақстан Республикасы Заңының 16-бабы 3-тармағының 2) тармақшасына сәйкес БҰЙЫРАМЫН:»;

1-тармақ мынадай редакцияда жазылсын:

«1. Қоса беріліп отырған:

1) осы бұйрыққа 1-қосымшаға сәйкес «Көктемгі дала жұмыстарын жүргізу барысы туралы мәліметтер» әкімшілік деректерді жинауға арналған нысан;

2) осы бұйрыққа 2-қосымшаға сәйкес «Ауыл шаруашылығы дақылдарының жай-күйі туралы мәліметтер» әкімшілік деректерді жинауға арналған нысан;

3) осы бұйрыққа 3-қосымшаға сәйкес «Сүрі жерлердің жай-күйі туралы мәліметтер» әкімшілік деректерді жинауға арналған нысан;

4) осы бұйрыққа 4-қосымшаға сәйкес «Азықтарды дайындау туралы мәліметтер» әкімшілік деректерді жинауға арналған нысан;

5) осы бұйрыққа 5-қосымшаға сәйкес «Күзгі дала жұмыстарының барысы туралы мәліметтер» әкімшілік деректерді жинауға арналған нысан;

6) осы бұйрыққа 6-қосымшаға сәйкес «Ауыл шаруашылығы дақылдарының түсімін жинау туралы мәліметтер» әкімшілік деректерді жинауға арналған нысан;

7) осы бұйрыққа 7-қосымшаға сәйкес «Қар тоқтатуды жүргізу барысы туралы мәліметтер» әкімшілік деректерді жинауға арналған нысан;

8) осы бұйрыққа 8-қосымшаға сәйкес «Күздік дақылдар егістерінің жай-күйі туралы мәліметтер» әкімшілік деректерді жинауға арналған нысан;