Қазақстан Республикасының Үкіметі мен Ресей Федерациясы Үкіметінің арасындағы Қосарланған салық салуды болдырмау және табыс пен капиталға салық төлеуден жалтаруға жол бермеу туралы конвенция шеңберінде Қазақстан Республикасының және Ресей Федерациясының мемлекеттік органдары берген резиденттікті растайтын ресми құжаттарды тану тәртібі туралы ноталар алмасу нысанындағы келісім (Астана қ., 2016 жылғы 22 ақпанда және Мәскеу қ., 2016 жылғы 15 наурызда)

Қазақстан Республикасының Үкіметі мен Ресей Федерациясы Үкіметінің арасындағы Қосарланған
салық салуды болдырмау және табыс пен капиталға салық төлеуден жалтаруға жол бермеу туралы
конвенция шеңберінде Қазақстан Республикасының және Ресей Федерациясының мемлекеттік
органдары берген резиденттікті растайтын ресми құжаттарды тану тәртібі туралы ноталар алмасу нысанындағы
келісім
(Астана қ., 2016 жылғы 22 ақпанда және Мәскеу қ., 2016 жылғы 15 наурызда)

ҚР 2016 жылғы 14 қарашадағы № 21-VI Заңымен ратификацияланды

2016 жылғы 29 қарашада күшіне енді

Ресей Федерациясының

Сыртқы істер министрлігі

Мәскеу қаласы

Қазақстан Республикасының Сыртқы істер министрлігі Ресей Федерациясының Сыртқы істер министрлігіне деген өз ілтипатын білдіре отырып, мынаны хабарлауды мәртебедеп санайды.

1996 жылғы 18 қазандағы Қазақстан Республикасының Үкіметі мен Ресей Федерациясы Үкіметінің арасындағы Қосарланған салық салуды болдырмау және табыс пен капиталға салық төлеуден жалтаруға жол бермеу туралы конвенция шеңберінде ынтымақтастықтың тиімді және оңайлатылған тетігін жасауға ұмтыла отырып, ресми құжаттарды тану мәселелері бойынша Қазақстан Республикасының Үкіметі Ресей Федерациясының Үкіметіне (бұдан әрі - Тараптар) мынаны айқындауды ұсынады.