«2019-2021 жылдарға арналған Шымкент қаласының бюджеті туралы» Шымкент қаласы мәслихатының 2018 жылғы 14 желтоқсандағы № 42/334-6с шешіміне өзгерістер енгізу туралы» Шымкент қаласы мәслихатының 2019 жылғы 11 желтоқсандағы № 58/494-6с шешiмi

«2019-2021 жылдарға арналған Шымкент қаласының бюджеті туралы» Шымкент қаласы мәслихатының 2018 жылғы 14 желтоқсандағы № 42/334-6с шешіміне өзгерістер енгізу туралы
Шымкент қаласы мәслихатының 2019 жылғы 11 желтоқсандағы № 58/494-6с шешiмi

Қазақстан Республикасының 2008 жылғы 4 желтоқсандағы Бюджет кодексінің 106 - бабының 1 және 4 - тармақтарына, 111 - бабының 1 - тармағына және «Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасының Заңының 6 - бабы 1 - тармағының 1) тармақшасына сәйкес, Шымкент қаласының мәслихаты ШЕШІМ ҚАБЫЛДАДЫ:

1. «2019-2021 жылдарға арналған Шымкент қаласының бюджеті туралы» Шымкент қаласы мәслихатының 2018 жылғы 14 желтоксандағы № 42/334-6с (Нормативтік құқықтық актілерді мемлекеттік тіркеу тізілімінде № 7 болып тіркелген, 2018 жылғы 21 желтоқсанда «Шымкент келбеті» газетінде жарияланған) шешіміне мынадай өзгерістер енгізілсін:

1-тармақ мынадай редакцияда жазылсын:

«1. Шымкент қаласының 2019-2021 жылдарға арналған бюджеті тиісінше 1, 2 және 3-қосымшаларға сәйкес, оның ішінде 2019 жылға мынадай көлемде бекiтiлсiн:

1) кiрiстер - 226 482 987 мың теңге, оның iшiнде:

салықтық түсiмдер - 90 880 746 мың теңге;

салықтық емес түсiмдер - 2 521 434 мың теңге;

негізгі капиталды сатудан түсетін түсімдер - 3 169 334 мың теңге;

трансферттер түсiмi - 129 911 473 мың теңге;

2) шығындар - 230 664 898 мың теңге;

3) таза бюджеттiк кредиттеу - 1 268 076 мың теңге, оның iшiнде:

бюджеттік кредиттер - 1 268 076 мың теңге;

4) қаржы активтерімен операциялар бойынша сальдо - 2 270 708 мың теңге, оның iшiнде:

қаржы активтерін сатып алу - 2 489 696 мың теңге;

мемлекеттің қаржы активтерін сатудан түсетін түсімдер - 218 988 мың теңге;

5) бюджет тапшылығы - - 7 720 695 мың теңге;

6) бюджет тапшылығын қаржыландыру - 7 720 695 мың теңге.»;

2-тармақ мынадай редакцияда жазылсын:

«2. Қала әкімдігінің 2019 жылға арналған резервi 1 223 039 мың теңге сомасында бекітілсін.»;

көрсетілген шешімнің 1, 5 - қосымшалары осы шешімнің 1, 2 қосымшаларына сәйкес жаңа редакцияда жазылсын.