«Психоневрологиялық ұйымнан анықтама беру» мемлекеттік көрсетілетін қызмет регламенті (Маңғыстау облысы әкімдігінің 2015 жылғы 13 қазандағы № 302 қаулысына 6 қосымша) (2019.09.07. берілген өзгерістермен) (күші жойылды)

Маңғыстау облысы әкімдігінің 2019.09.07. № 136 Қаулысымен мемлекеттік көрсетілетін қызмет регламенті жаңа редакцияда (бұр.ред.қара)

Маңғыстау облысы әкімдігінің

2015 жылғы 13 қазандағы

№ 302 қаулысына 6 қосымша

Маңғыстау облыстық әкімдігінің 2020 жылғы 23 сәуірдегі № 69 Қаулысымен күші жойылды

«Психоневрологиялық ұйымнан анықтама беру»

мемлекеттік көрсетілетін қызмет регламенті

(2019.09.07. берілген өзгерістермен)

1 тарау. Жалпы ережелер

1. «Психоневрологиялық ұйымнан анықтама беру» мемлекеттік көрсетілетін қызметін (бұдан әрі - мемлекеттік көрсетілетін қызмет) денсаулық сақтау ұйымдары (бұдан әрі - көрсетілетін қызметті беруші) көрсетеді.

Өтініштерді қабылдау және мемлекеттік қызметті көрсету нәтижесін беру:

1) «Азаматтарға арналған үкімет» мемлекеттік корпорациясы» коммерциялық емес акционерлік қоғамы (бұдан әрі - Мемлекеттік корпорация);

2) www.egov.kz «электрондық үкімет» веб-порталы (бұдан әрі - портал) арқылы жүзеге асырылады.

2. Мемлекеттік қызметті көрсету нысаны: электрондық (ішінара автоматтандырылған) және (немесе) қағаз түрінде.

6. Мемлекеттік қызметті көрсету нәтижесі - Қазақстан Республикасы Денсаулық сақтау және әлеуметтік даму министрінің 2015 жылғы 27 сәуірдегі № 272 «Денсаулық сақтау саласындағы мемлекеттік көрсетілетін қызметтер стандарттарын бекіту туралы» бұйрығымен (нормативтік құқықтық актілерді мемлекеттік тіркеу Тізілімінде № 11304 болып тіркелген) бекітілген «Психоневрологиялық ұйымнан анықтама беру» мемлекеттік көрсетілетін қызмет стандартының (бұдан әрі - Стандарт) 1 қосымшасына сәйкес «Психикалық науқастардың тіркелімі» ақпараттық жүйесінде деректердің тексерілгеннен кейінгі электрондық құжат нысанында диспансерлік есепте тұратыны/тұрмайтыны туралы анықтама.

Мемлекеттiк қызмет көрсету нәтижесін ұсыну нысаны - электрондық және (немесе) қағаз түрінде.

2 тарау. Мемлекеттік қызмет көрсету процесінде көрсетілетін қызметті берушінің құрылымдық бөлімшелерінің (қызметкерлерінің) іс-қимыл тәртібін сипаттау