«Табиғи теріден жасалған киім заттары, киімге керек-жарақтар және өзге де бұйымдар» тауар позициясы бойынша тауарларды бақылау (идентификациялау) белгілерімен таңбалауды енгізу жөніндегі пилоттық жобаны 2015-2016 жылдары іске асыру туралы келісім (Гродно., 2015 жылғы 8 қыркүйекте) (күші жойылды)

«Табиғи теріден жасалған киім заттары, киімге керек-жарақтар және өзге де бұйымдар» тауар позициясы бойынша тауарларды бақылау
(идентификациялау) белгілерімен таңбалауды енгізу жөніндегі пилоттық жобаны 2015-2016 жылдары іске асыру туралы
келісім
(Гродно., 2015 жылғы 8 қыркүйекте)

ҚР 2016 жылғы 29 ақпандағы № 466-V ҚРЗ Заңымен ратификацияланды

2016 жылғы 12 тамызда күшіне енді

2016 жылғы 23 қарашадағы Хаттамаменосы келісімнің қолданылуы 2017 ж. 1 қаңтар мен 2018 ж. 31 желтоқсан аралығына ұзартылды (2017 ж. 1 қаңтардан бастап уақытша қолданылады)

Бұдан әрі мүше мемлекеттер деп аталатын Еуразиялық экономикалық одаққа мүше мемлекеттер,

тауарлардың заңды айналымын қамтамасыз ету мақсатында,

төмендегілер туралы келісті:

1-бап

Осы Келісімнің мақсаттары үшін мыналарды білдіретін ұғымдар пайдаланылады:

«мүше мемлекеттің құзыретті (уәкілетті) органы» - мүше мемлекеттің заңнамасына сәйкес мыналарды:

оларға қатысты бақылау (идентификациялау) белгілерімен таңбалау туралы шешім қабылданған тауарлар айналымына бақылау жасауды;

бақылау (идентификациялау) белгілерімен тауарларды таңбалаудың ұлттық жүйесінің жұмыс істеуін;

оларға қатысты бақылау (идентификациялау) белгілерімен таңбалау туралы шешім қабылданған тауарлар айналымына бақылау жасау жөніндегі мүше мемлекеттің атқарушы билік органдарының қызметін үйлестіруді қамтамасыз етуге уәкілеттік берілген мүше мемлекеттің атқарушы билік органы;

«бақылау (идентификациялау) белгісі» - тауарларды таңбалауға арналған қолдан жасаудан қорғау (қорғалған полиграфиялық өнім) элементтері (құралдары) бар қатаң есептілік бланкісі. Кіріктірілген радиожиілік белгісін қамтитын бақылау (идентификациялау) таңбаларын пайдалануға рұқсат етіледі;

«бақылау (идентификациялау) белгілерімен таңбалау» - бекітілген үлгідегі бақылау (идентификациялау) белгілерін тауарларға түсіру;

«тауарлар айналымы» - Еуразиялық экономикалық одақтың кедендік аумағында тауарларды сақтау, тасымалдау, өндіру, оған әкелу, мүше мемлекеттер аумақтарында сатып алу және өткізу (сату);