«Нөмірлеу ресурсын бөлу және нөмірлерді беру, сондай-ақ оларды алып қою» мемлекеттік көрсетілетін қызмет регламенті (Қазақстан Республикасы Инвестициялар және даму министрінің м. а. 2015 жылғы 28 мамырдағы № 644 бұйрығына 2-қосымша) (күші жойылды)

Қазақстан Республикасы Инвестициялар

және даму министрінің міндетін

атқарушының 2015 жылғы 28 мамырдағы

№ 644 бұйрығына 2-қосымша

ҚР Цифрлық даму, инновациялар және аэроғарыш өнеркәсібі министрінің 2020.13.04. № 135/НҚ бұйрығымен күші жойылды

«Нөмірлеу ресурсын бөлу және нөмірлерді беру, сондай-ақ оларды алып қою»

мемлекеттік көрсетілетін қызмет регламенті
(2016.12.02. берілген өзгерістермен)

1. Жалпы ережелер

1. «Нөмірлеу ресурсын бөлу және нөмірлерді беру, сондай-ақ оларды алып қою» мемлекеттік көрсетілетін қызметін (бұдан әрі - мемлекеттік көрсетілетін қызмет) Қазақстан Республикасы Инвестициялар және даму министрлігінің Байланыс, ақпараттандыру және ақпарат комитеті (бұдан әрі - көрсетілетін қызметті беруші) көрсетеді.

2. Көрсетілетін мемлекеттік қызметтің нысаны: электрондық (ішінара автоматтандырылған) және/немесе қағаз түрінде.

3. Көрсетілетін мемлекеттік қызметтің нәтижесі:

нөмірлеу ресурсын бөлу немесе алып қою туралы көрсетілетін қызметті берушінің бұйрығы;

мемлекеттік қызметті көрсетуден бас тарту туралы дәлелді жауап беру.

2. Көрсетілетін қызметті берушінің құрылымдық бөлімшелерінің
(қызметкерлерінің) мемлекеттік қызмет көрсету процесіндегі
іс-қимыл тәртібін сипаттау

4. Мемлекеттік қызмет көрсету бойынша рәсімді (іс-қимылды) бастауға негіз, Қазақстан Республикасы Инвестициялар және даму министрінің 2015 жылғы 30 сәуірдегі № 531 «Қазақстан Республикасы Инвестициялар және даму министрлігімен көрсетілетін байланыс саласындағы мемлекеттік қызмет стандарттарын бекіту туралы» (нормативтік-құқықтық актілерді мемлекеттік тіркеу реестрінде № 11380 іркелген) бұйрығымен бекітілген «Нөмірлеу ресурсын бөлу және нөмірлерді беру, сондай-ақ оларды алып қою» мемлекеттік көрсетілетін қызмет стандартының (бұдан әрі - Мемлекеттік көрсетілетін қызмет стандарты) 9-тармағында көзделген көрсетілетін қызметті алушының құжаттарының (бұдан әрі-өтінім) болуы болып табылады.

ҚР Инвестициялар және даму министрінің 2016.12.02. № 182 бұйрығымен 5-тармақ өзгертілді (бұр.ред.қара)