«Риддер қаласы бойынша коммуналдық қызметтерді ұсыну қағидаларын бекіту туралы» Шығыс Қазақстан облысы Риддер қаласы әкімдігінің 2022 жылғы 5 қазандағы № 942 Қаулысы (2024.09.03. берілген өзгерістер мен толықтырулармен)

Риддер қаласы бойынша коммуналдық қызметтерді ұсыну қағидаларын бекіту туралы
Шығыс Қазақстан облысы Риддер қаласы әкімдігінің 2022 жылғы 5 қазандағы № 942 Қаулысы

(2024.09.03. берілген өзгерістер мен толықтырулармен)

Қазақстан Республикасының «Тұрғын үй қатынастары туралы» Заңының 10-3-бабы 2-тармағының 16) тармақшасына сәйкес, Риддер қаласының әкімдігі ҚАУЛЫ ЕТЕДІ:

1. Риддер қаласы бойынша коммуналдық қызметтерді көрсету қағидалары осы қаулының қосымшасына сәйкес бекітілсін.

2. «Риддер қаласының тұрғын үй-коммуналдық шаруашылығы, жолаушылар көлігі және автомобиль жолдары бөлімі» мемлекеттік мекемесі Қазақстан Республикасының заңнамасында белгіленген тәртіппен осы қаулыдан туындайтын тиісті шараларды қабылдасын.

3. Осы қаулының орындалуын бақылау жетекшілік ететін Риддер қаласы әкімінің орынбасарына жүктелсін.

4. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Риддер қаласы әкімдігінің

2022 жылғы 5 қазандағы

№ 942 қаулысына

косымша

Риддер қаласы бойынша коммуналдық қызметтерді ұсыну

қағидалары


1-тарау. Жалпы ережелер

1. Осы Риддер қаласы бойынша коммуналдық қызметтерді ұсыну қағидалары (бұдан әрі - Қағидалар) Қазақстан Республикасының «Тұрғын үй қатынастары туралы» Заңының 10-3-бабы 2-тармағының 16) тармақшасына сәйкес әзірленді және коммуналдық қызметтерді ұсыну мен ақы төлеу тәртібін белгілейді.

Шығыс Қазақстан облысы Риддер қаласы әкімдігінің 2024.22.02. № 172 Қаулысымен 2-тармақ жаңа редакцияда (2024 ж. 28 ақпаннан бастап қолданысқа енгізілді) (бұр.ред.қара)

2. Осы Қағидаларда мынадай негізгі ұғымдар пайдаланылады:

1) бірыңғай төлем құжаты - тұтынушының тыныс-тіршілігін қамтамасыз ететін коммуналдық және басқа да қосымша қызметтерді төлеуге арналған төлем құжатының нысаны;