«Токтогул шаарындагы мал союлуучу жайлар боюнча» Токтогул шаардык кеңешинин 2016-жылдын 27-апрелиндеги № 82 токтому

Токтогул шаарындагы мал союлуучу жайлар боюнча
Токтогул шаардык кеңешинин 2016-жылдын 27-апрелиндеги № 82 токтому

Токтогул шаардык кеңешине шаардын Даңканай жана Топбаза кичи районунун жашоочуларынын атынан мал союлуучу жайлардын мыйзам талаптарына жооп бербей жаткандыгы боюнча арыздар катталып, «Билим берүү, медицина, маданият, калктын социалдык абалы, экология-санитардык абал, мамлекеттик стандарт боюнча» туруктуу комиссиянын кароосуна берилген.

Жогорудагы маселе боюнча аталган туруктуу комиссия тиешелүү мамлекеттик органдарга кайрылуусунун натыйжасында, Ветеринардык жана фитосанитардык коопсуздук боюнча мамлекеттик инспекциясынын Токтогул райондук башкармасынын 04.04.2016-жылдагы № 40 корутундусу алынган. Бул корутундунун негизинде Токтогул райондук мамлекеттик администрациясынын 2016-жылдын 20-апрелинде № 106 буйругу менен атайын комиссия түзүлүп, Токтогул шаарында жайгашкан «Суусар», Топбаза кичирайонундагы (заготконтора) мал союлуучу жай жана «Абелл» мал союлуучу жайлары мыйзамдын талаптарына ылайык келүүсү боюнча текшерүүгө алынды.