«Қазақстан Республикасының Президенті жанындағы Мемлекеттік басқару академиясында қайта даярлау және біліктілікті арттыру курстарында оқыту» мемлекеттік көрсетілетін қызмет стандарты (Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 2016 жылғы 21 желтоқсандағы № 96 бұйрығына 5-қосымша) (2018.19.02. берілген өзгерістер мен толықтырулармен) (күші жойылды)

ҚР Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 2018.27.11. № 263 бұйрығымен күші жойылды

Қазақстан Республикасы

Мемлекеттік қызмет істері және

сыбайлас жемқорлыққа қарсы

іс-қимыл агенттігі төрағасының

2016 жылғы 21 желтоқсандағы

№ 96 бұйрығына

5-қосымша

«Қазақстан Республикасының Президенті жанындағы Мемлекеттік басқару академиясында қайта

 даярлау және біліктілікті арттыру курстарында оқыту»

мемлекеттік көрсетілетін қызмет стандарты
(2018.19.02. берілген өзгерістер мен толықтырулармен)

1-тарау. Жалпы ережелер

1. Мемлекеттік көрсетілетін қызмет атауы: «Қазақстан Республикасының Президенті жанындағы Мемлекеттік басқару академиясында қайта даярлау және біліктілікті арттыру курстарында оқыту» (бұдан әрі - мемлекеттік көрсетілетін қызмет).

2. Мемлекеттік көрсетілетін қызмет стандартын Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі (бұдан әрі - Агенттік) әзірледі.

3. Мемлекеттік көрсетілетін қызметті «Қазақстан Республикасының Президенті жанындағы Мемлекеттік басқару академиясы» жедел басқару құқығындағы республикалық мемлекеттік қазыналық кәсіпорны (бұдан әрі - көрсетілетін қызметті беруші) көрсетеді.

Өтініштерді қабылдау және мемлекеттік көрсетілетін қызмет көрсету нәтижелерін беру көрсетілетін қызметті беруші арқылы жүзеге асырылады.

2-тарау. Мемлекеттік көрсетілетін қызметті көрсету тәртібі

4. Қайта даярлау курстары басталған сәттен бастап мемлекеттік көрсетілетін қызметті көрсету мерзімі - кемінде 120 (жүз жиырма) академиялық сағат, біліктілік арттыру семинары басталған сәттен бастап - оқу түріне қарай 24 (жиырма төрт) академиялық сағаттан бастап 80 (сексен) академиялық сағатқа дейін.

5. Мемлекеттік көрсетілетін қызметті көрсету нысаны: қағаз түрінде.

6. Мемлекеттік көрсетілетін қызметті көрсету нәтижесі:

1) қайта даярлауды аяқтағанын растайтын құжат;

2) біліктілікті арттыруды аяқтағанын растайтын құжат.

Мемлекеттік көрсетілетін қызметтің нәтижесін беру нысаны: қағаз түрінде.