«Сот өрт-техникалық сараптамасы» кәсіптік стандарты (Қазақстан Республикасы Әділет министрінің 2024 жылғы 23 қаңтардағы № 60 бұйрығына 25-қосымша)

Қазақстан Республикасы

Әділет министрінің

2024 жылғы 23 қаңтардағы

№ 60 бұйрығына

25-қосымша

«Сот өрт-техникалық сараптамасы»

кәсіптік стандарты


1 тарау. Жалпы ережелер

1. «Кәсіптік біліктілік туралы» Қазақстан Республикасы Заңының 5-бабының 5-тармағына сәйкес «Сот өрт-техникалық сараптамасы» кәсіптік стандарты әзірленді, ол сот өрт-техникалық сараптамасы жүргізу жөніндегі сот сарапшысының біліктілік, құзыреттілік деңгейіне, еңбек мазмұнына, сапасына және жағдайларына қойылатын талаптарды айқындауға арналған және сот-сараптама қызметі саласында қолданылады.

2. Осы кәсіптік стандартта мынадай терминдер мен анықтамалар қолданылады:

1) білім - кәсіптік міндет шеңберінде іс-әрекеттерді орындау үшін қажетті зерделенген және меңгерілген ақпарат;

2) дағды - кәсіптік міндетті толығымен орындауға мүмкіндік беретін білім мен машықты қолдану қабілеті;

3) жазба - қол жеткізілген нәтижелер туралы мәліметтерді қамтитын құжат немесе жүзеге асырылған қызметтің расталуы верификацияның, ескертуші және түзетуші әрекеттердің жүргізілуінің куәлігін ұсыну және қадағалауын рәсімдеу үшін;

4) сот өрт-техникалық сараптамасының мәні - өрттің туындауына, дамуына және оның зардаптарына әкеп соққан мән-жайларды зерттеу кезінде жаратылыстану-техникалық ғылымдар және сот сараптамасы саласындағы арнайы ғылыми білімдер негізінде белгіленетін нақты деректер.

5) сот өрт-техникалық сараптама объектісі - өрттің әсеріне ұшыраған және оны зақымдайтын факторлардың әсерінен түрлендірілген физикалық объект.

3. Осы кәсіптік стандартта мынандай қысқартулар қолданылады:

БТБА - Жұмысшылардың жұмыстары мен кәсіптерінің Бірыңғай тарифтік-біліктілік анықтамалығы;

БА - Біліктілік анықтамалығы;

СБШ - Салалық біліктілік шеңбері;

ЭҚЖЖ - Экономикалық қызмет түрлерінің жалпы мемлекеттік жіктеуіші.

2-тарау. Кәсіптік стандарттың төлқұжаты

4. Кәсіптік стандарттың атауы: «Сот өрт-техникалық сараптамасы».

5. Кәсіптік стандарт коды: O84230.

6. ЭҚЖЖ сәйкес секциясын, бөлімін, тобын, сыныбын және кіші сыныбын көрсету: