«Субсидияланатын тұқымдардың нормалары мен шекті бағаларын бекіту туралы» Шымкент қаласы әкімдігінің 2019 жылғы 16 қыркүйектегі № 698 Қаулысы (күші жойылды)

Субсидияланатын тұқымдардың нормалары мен шекті бағаларын бекіту туралы
Шымкент қаласы әкімдігінің 2019 жылғы 16 қыркүйектегі № 698 Қаулысы

Шымкент қаласы әкімдігінің 2020 жылғы 31 желтоқсандағы № 842 Қаулысымен күші жойылды

Қазақстан Республикасы Ауыл шаруашылығы министрінің 2014 жылғы 12 желтоқсандағы № 4-2/664 бұйрығымен бекітілген Тұқым шаруашылығын дамытуды субсидиялау қағидаларының 6-тармағына (Нормативтік құқықтық актілерді мемлекеттік тіркеу тізілімінде № 10190 болып тіркелген) сәйкес, Шымкент қаласының әкімдігі ҚАУЛЫ ЕТЕДІ:

1. Субсидияланатын тұқымдардың нормалары мен шекті бағалары осы қаулының қосымшасына сәйкес бекітілсін.

2. «Шымкент қаласының ауыл шаруашылығы және ветеринария басқармасы» мемлекеттік мекемесі Қазақстан Республикасының заңнамалық актілерінде белгіленген тәртіпте:

1) осы қаулыны Шымкент қаласының Әділет департаментінде мемлекеттік тіркелуін;

2) осы қаулы мемлекеттік тіркелген күннен бастап күнтізбелік он күн ішінде оның көшірмесін ресми жариялау үшін Шымкент қаласында таратылатын мерзімді баспасөз басылымдарына жіберуді;

3) осы қаулыны оны ресми жариялағаннан кейін Шымкент қаласы әкімдігінің интернет-ресурсында орналастыруды қамтамасыз етсін.

3. Осы қаулының орындалуын бақылау Шымкент қаласы әкімінің орынбасары Б.Пармановқа жүктелсін.

4. Осы қаулы оның алғашқы ресми жарияланған күнінен бастап қолданысқа енгізіледі.