«Қазақстан Республикасы Индустрия және инфрақұрылымдық даму министрлігі Құрылыс және тұрғын үй-коммуналдық шаруашылық істері комитеті әзірлеген ведомстволық статистикалық байқаудың статистикалық нысандары мен оларды толтыру жөніндегі нұсқаулықтарды бекіту туралы» Қазақстан Республикасы Ұлттық экономика министрлігі Статистика комитеті Төрағасының 2020 жылғы 4 ақпандағы № 15 бұйрығы (2021.19.11. берілген өзгерістермен)

Қазақстан Республикасы Индустрия және инфрақұрылымдық даму министрлігі Құрылыс және тұрғын үй-коммуналдық шаруашылық істері комитеті әзірлеген ведомстволық статистикалық байқаудың статистикалық нысандары мен оларды толтыру жөніндегі нұсқаулықтарды бекіту туралы
Қазақстан Республикасы Ұлттық экономика министрлігі Статистика комитеті Төрағасының 2020 жылғы 4 ақпандағы № 15 бұйрығы

(2021.19.11. берілген өзгерістермен)

ҚР Стратегиялық жоспарлау және реформалар агенттігі Ұлттық статистика бюросы Басшысының 2021.19.11. № 32 бұйрығымен кіріспе жаңа редакцияда (бұр.ред.қара)

«Мемлекеттік статистика туралы» Қазақстан Республикасы Заңының 12-бабы 8) тармақшасына және Қазақстан Республикасы Президентінің 2020 жылғы 5 қазандағы № 427 Жарлығымен бекітілген Қазақстан Республикасының Стратегиялық жоспарлау және реформалар агенттігі туралы ереженің 17-тармағы 24) тармақшасына сәйкес, БҰЙЫРАМЫН:

1. Мыналар:

1) осы бұйрыққа 1-қосымшаға сәйкес «Құрылыс материалдары, бұйымдары, конструкциялар мен инженерлік жабдықтарына босатылым бағалары туралы есеп» (индексі 1-СМИО, кезеңділігі тоқсандық) ведомстволық статистикалық байқаудың статистикалық нысаны;

2) осы бұйрыққа 2-қосымшаға сәйкес «Құрылыс материалдары, бұйымдары, конструкциялар мен инженерлік жабдықтарына босатылым бағалары туралы есеп» (индексі 1-СМИО, кезеңділігі тоқсандық) ведомстволық статистикалық байқаудың статистикалық нысанын толтыру жөніндегі нұсқаулық;

3) осы бұйрыққа 3-қосымшаға сәйкес «Сатып алынған құрылыс материалдары, бұйымдары, конструкциялар мен инженерлік жабдықтарының нақты құны туралы есеп» (индексі 2-СМИО, кезеңділігі тоқсандық) ведомстволық статистикалық байқаудың статистикалық нысаны;

4) осы бұйрыққа 4-қосымшаға сәйкес «Сатып алынған құрылыс материалдары, бұйымдары, конструкциялар мен инженерлік жабдықтарының нақты құны туралы есеп» (индексі 2-СМИО, кезеңділігі тоқсандық) ведомстволық статистикалық байқаудың статистикалық нысанын толтыру жөніндегі нұсқаулық бекітілсін.