«Жер асты суларын, емдік балшықты және қатты пайдалы қазбаларды барлауға, өндіруге, бірлесіп барлау мен өндіруге жер қойнауын пайдалануға арналған келісімшарттарды жасау, тіркеу және сақтау» мемлекеттік көрсетілетін қызмет стандарты (Қазақстан Республикасының Инвестициялар және даму Министрінің 2015 жылғы 28 сәуірдегі № 521 бұйрығына 1-қосымша ) (күші жойылды)

ҚР Инвестициялар және даму министрінің м.а 2016.26.01. № 80 бұйрығымен күші жойылды

Қазақстан Республикасының

Инвестициялар және даму Министрінің

2015 жылғы 28 сәуірдегі

№ 521 бұйрығына 1-қосымша

«Жер асты суларын, емдік балшықты және қатты пайдалы қазбаларды
барлауға, өндіруге, бірлесіп барлау мен өндіруге жер қойнауын
пайдалануға арналған келісімшарттарды жасау, тіркеу және сақтау»
мемлекеттік көрсетілетін қызмет стандарты

«Жер асты суларын, емдік балшықты және қатты пайдалы қазбаларды барлауға, өндіруге, бірлесіп барлау мен өндіруге жер қойнауын пайдалануға арналған келісімшарттарды жасау, тіркеу және сақтау» мемлекеттік қызмет регламентін қарағыз

1. Жалпы ережелер

1. «Көмірсутек шикізатын және кең таралған пайдалы қазбаларды барлауға, өндіруге немесе бірлескен барлау мен өндіруге арналған келісімшарттарды қоспағанда, жер қойнауын пайдалануға арналған келісімшарттарды тіркеу» мемлекеттік көрсетілетін қызметі (бұдан әрі - мемлекеттік көрсетілетін қызмет).

2. Мемлекеттік көрсетілетін қызмет стандартын Қазақстан Республикасы Инвестициялар және даму министрлігі (бұдан әрі - Министрлік) әзірлеген.

3. Мемлекеттік көрсетілетін қызметті Қазақстан Республикасы Инвестициялар және даму министрлігі (бұдан әрі - көрсетілетін қызметті беруші) көрсетеді.

Өтініштерді қабылдау және мемлекеттік қызмет көрсету нәтижелерін беру:

1) көрсетілетін қызметті берушінің кеңсесі;

2) «электрондық үкіметтің» www.egov.kz  веб-порталы (бұдан әрі - портал) арқылы жүзеге асырылады.

2. Мемлекеттік қызмет көрсету тәртібі

4. Мемлекеттік қызмет көрсету мерзімі:

1) құжаттар топтамасын көрсетілетін қызметті берушіге тапсырған сәттен бастап, сондай-ақ порталға жүгінген кезде - 5 (бес) жұмыс күні;

Құжаттар топтамасын көрсетілетін қызметті беруші тапсырған сәттен бастап, екі жұмыс күн ішінде көрсетілетін қызметті берушінің құжаттарды алу сәтінен бастап, ұсынылған құжаттардың толықтығын тексеру міндетті.

Ұсынылған құжаттардың толық емес фактісі белгіленген жағдайда көрсетілген мерзімде алдағы өтінішті қарау туралы дәлелді бас тартуды жазбаша түрде береді.