«Қазақстан Республикасы «Сырбар» Сыртқы барлау қызметінің қызметкерлері және олармен үнемі бірге тұратын отбасы мүшелеріне Қазақстан Республикасының аумағында көлікпен жол жүру шығындарын өтеу нормаларын бекіту туралы» Қазақстан Республикасы «Сырбар» Сыртқы барлау қызметі директорының 2015 жылғы 31 наурыздағы № 4 бұйрығы (күші жойылды)

Қазақстан Республикасы «Сырбар» Сыртқы барлау қызметінің қызметкерлері және олармен үнемі бірге тұратын отбасы мүшелеріне Қазақстан Республикасының аумағында көлікпен жол жүру шығындарын өтеу нормаларын бекіту туралы
Қазақстан Республикасы «Сырбар» Сыртқы барлау қызметі директорының 2015 жылғы 31 наурыздағы № 4 бұйрығы

ҚР Ұлттық қауіпсіздік комитеті Төрағасының 2021 жылғы 22 маусымдағы № 69/қе бұйрығымен күші жойылды

«Қазақстан Республикасының арнаулы мемлекеттік органдары туралы» Қазақстан Республикасының 2012 жылғы 13 ақпандағы Заңының 73-бабының 5-тармағына және 78-бабының 4-тармағына сәйкес БҰЙЫРАМЫН:

1. Қоса беріліп отырған Қазақстан Республикасы «Сырбар» Сыртқы барлау қызметінің (бұдан әрі - «Сырбар» қызметі) қызметкерлері және олармен үнемі бірге тұратын отбасы мүшелеріне Қазақстан Республикасының аумағында көлікпен жол жүру және мүлікті тасымалдау шығындарын өтеу нормалары бекітілсін.

2. «Cырбар» қызметінің қызметкерлері және олармен үнемі бірге тұратын отбасы мүшелеріне Қазақстан Республикасының аумағында көлікпен жол жүру шығындары «Сырбар» қызметіне әрбір тиісті жылға республикалық бюджеттен бөлінген қаражат есебі мен шеңберінде жүзеге асырылсын.

3. «Сырбар» қызметінің Шаруашылық басқармасы Қазақстан Республикасының заңнамасында белгіленген тәртіппен:

1) осы бұйрықтың Қазақстан Республикасының Әділет министрлігінде мемлекеттік тіркелуін;

2) осы бұйрық Қазақстан Республикасының Әділет министрлігінде мемлекеттік тіркелгеннен кейін күнтізбелік он күн ішінде оның «Әділет» ақпараттық-құқықтық жүйеде және мерзімді баспа басылымда ресми жариялауға жіберілуін;

3) осы бұйрықтың «Сырбар» қызметінің ресми интернет-ресурсында жариялануын қамтамасыз етсін.

4. Осы бұйрық алғашқы ресми жарияланған күннен кейін күнтізбелік он күн өткеннен соң қолданысқа енгізіледі.

«КЕЛІСІЛДІ»

Қазақстан Республикасының

Қаржы министрі

Б. Сұлтанов

2015 жылғы «___»___________

Қазахстан Республикасы

«Сырбар» Сыртқы барлау