«Қауымдық сервитут белгілеу туралы» Қостанай облысы Бейімбет Майлин ауданы әкімдігінің 2022 жылғы 6 мамырдағы № 147 Қаулысы

Қауымдық сервитут белгілеу туралы
Қостанай облысы Бейімбет Майлин ауданы әкімдігінің 2022 жылғы 6 мамырдағы № 147 Қаулысы

Қазақстан Республикасы Жер кодексінің 17, 69-баптарына, «Қазақстан Республикасының жергілікті мемлекеттік басқару және өзін-өзі басқару туралы» Қазақстан Республикасы Заңының 31-бабына, «Қазақстан Республикасы нормативтік құқықтық актілерінің мемлекеттік тізілімін, Қазақстан Республикасы нормативтік құқықтық актілерінің эталондық бақылау банкін жүргізу қағидаларын бекіту туралы» Қазақстан Республикасы Үкіметінің 2016 жылғы 25 шілдедегі № 439 қаулысына сәйкес Бейімбет Майлин ауданының әкімдігі ҚАУЛЫ ЕТЕДІ:

1. Осы қаулыға қосымша бойынша «Бейімбет Майлин ауданы әкімдігінің тұрғын үй-коммуналдық шаруашылығы, жолаушылар көлігі және автомобиль жолдары бөлімі» мемлекеттік мекемесіне жер учаскелеріне қауымдық сервитут белгіленсін:

Бейімбет Майлин ауданының Асенкритов ауылдық округінің аумағында орналасқан, кадастрлық нөмірі 12-183-023-135, жалпы алаңы 1,43 гектар су тарту ұңғымаларын төсеу және қызмет көрсету үшін;

Бейімбет Майлин ауданының Асенкритов ауылдық округінің аумағында орналасқан, кадастрлық нөмірі 12-183-023-135, жалпы ауданы 0,1713 гектар магистральдық желілерді төсеу және қызмет көрсету үшін.