«Бизнестің жол картасы 2020» бизнесті қолдау мен дамытудың бірыңғай бағдарламасы шеңберінде өндірістік (индустриялық) инфрақұрылымды дамыту бойынша қолдау көрсету» мемлекеттік көрсетілетін қызмет регламенті (Қарағанды облысы әкімдігінің 2016 жылғы 25 сәуірдегі № 29/01 қаулысымен бекітілді) (2019.25.07. берілген өзгерістермен) (күші жойылды)

Қарағанды облысының әкімдігінің 2019.25.07. № 45/02 Қаулысымен мемлекеттік көрсетілетін қызмет регламенті жаңа редакцияда (бұр.ред.қара)

Қарағанды облысы әкімдігінің

2016 жылғы 25 сәуірдегі

№ 29/01 қаулысымен

бекітілді

Қарағанды облысының әкімдігінің 2020 жылғы 24 шілдедегі № 47/02 Қаулысымен күші жойылды

«Бизнестің жол картасы-2020» бизнесті қолдау мен дамытудың мемлекеттік бағдарламасы

шеңберінде өндірістік (индустриялық) инфрақұрылымды дамыту бойынша қолдау көрсету»

мемлекеттік көрсетілетін қызмет регламенті

(2019.25.07. берілген өзгерістермен)

1-тарау. Жалпы ережелер

1. «Бизнестің жол картасы-2020» бизнесті қолдау мен дамытудың мемлекеттік бағдарламасы шеңберінде өндірістік (индустриялық) инфрақұрылымды дамыту бойынша қолдау көрсету» мемлекеттік көрсетілетін қызметті (бұдан әрі - мемлекеттік қызмет) облыстың жергілікті атқарушы органы (бұдан әрі-көрсетілетін қызметті беруші) көрсетеді.

Өтініштерді қабылдау және мемлекеттік қызмет көрсетудің нәтижелерін беру облыстың жергілікті атқарушы органының кеңсесі (бұдан әрі - Бағдарламаның жергілікті үйлестірушісі) және «электрондық үкіметтің» веб-порталы (бұдан әрі - веб-портал) жүзеге асырады.

2. Мемлекеттік қызметті көрсету нысаны: қағаз /электрондық түрде.

3. Мемлекеттік көрсетілетін қызмет нәтижесі: Өңірлік үйлестіру кеңесі (бұдан әрі - ӨҮК) отырысының хаттамасынан үзінді немесе «Кәсіпкерлік саласындағы мемлекеттік көрсетілетін қызметтер стандарттарын бекіту туралы» (Нормативтік құқықтық актілерді мемлекеттік тіркеу тізілімінде № 11181 болып тіркелген) Қазақстан Республикасы Ұлттық экономика министрінің 2015 жылғы 24 сәуірдегі № 352 бұйрығымен бекітілген, «Бизнестің жол картасы 2020» бизнесті қолдау мен дамытудың мемлекеттік бағдарламасы шеңберінде өндірістік (индустриялық) инфрақұрылымды дамыту бойынша қолдау көрсету» мемлекеттік көрсетілетін қызмет стандартының (бұдан әрі-Стандарт) 10-тармағында көзделген жағдайларда және негіздер бойынша мемлекеттік қызмет көрсетуден бас тарту туралы дәлелді жауап.