«Қазақстан Республикасына коронавирустық инфекцияның жаңа типінің әкелінуі мен таралуының алдын алу жөніндегі республикалық штабты құру туралы» Қазақстан Республикасы Денсаулық сақтау министрінің 2020 жылғы 30 қаңтардағы № 50 бұйрығы (2020.28.08. берілген өзгерістермен)

Қазақстан Республикасына коронавирустық инфекцияның жаңа типінің әкелінуі мен таралуының алдын алу жөніндегі республикалық штабты құру туралы
Қазақстан Республикасы Денсаулық сақтау министрінің 2020 жылғы 30 қаңтардағы № 50 бұйрығы

(2020.28.08. берілген өзгерістермен)

Қытай Халық Республикасында коронавирустық инфекцияның жаңа типі (бұдан әрі – коронавирустық инфекция) бойынша эпидемиологиялық жағдайдың күрделенуіне байланысты, Қазақстан Республикасына коронавирустық инфекцияның әкелінуі мен таралуының алдын алу мақсатында БҰЙЫРАМЫН:

1. Қазақстан Республикасына коронавирустық инфекцияның жаңа типінің әкелінуі мен таралуының алдын алу жөніндегі республикалық штаб құрылсын.

2. Мыналар:

1) осы бұйрыққа 1-қосымшаға сәйкес Қазақстан Республикасына коронавирустық инфекцияның жаңа типінің әкелінуі мен таралуының алдын алу бойынша республикалық штабтың (бұдан әрі – Штаб) құрамы;

2) осы бұйрыққа 2-қосымшаға сәйкес штаб жұмысының өзара іс-қимыл алгоритмі және функцияларды бөлу бекітілсін.

3. Қазақстан Республикасы Денсаулық сақтау министрлігінің Тауарлар мен көрсетілетін қызметтердің сапасы мен қауіпсіздігін бақылау комитеті (бұдан әрі – Комитет):

1) осы бұйрықты облыстардың, Нұр-Сұлтан, Алматы, Шымкент қалаларының денсаулық сақтау басқармаларына, мүдделі ведомстволық бағынысты органдар мен ұйымдарға жіберсін;

2) штабтың жұмысын ұйымдастыруды қамтамасыз етсін.

4. Облыстардың, Нұр-Сұлтан, Алматы, Шымкент қалаларының денсаулық сақтау басқармаларының басшылары (келісім бойынша) бір күн мерзімінде өңірлік штабтарды құрсын және коронавирустық инфекцияның әкелінуі мен таралуының алдын алу жөніндегі профилактикалық және эпидемияға қарсы іс-шаралар жоспарын бекітсін.

5. Осы бұйрықтың орындалуын бақылауды өзіме қалдырамын.

6. Осы бұйрық қол қойылған күннен бастап күшіне енеді.